అరటిపండు తిన్న వెంటనే వీటిని అస్సలు తినకండి.. ఎందుకో తెలుసా..?

అరటిపండు ఆరోగ్యానికి ఎంతో ఉపయోగకరం. ఇందులో ఉండే పోషకాల వల్ల శక్తి వస్తుంది. కానీ అరటిపండు తిన్న వెంటనే కొన్ని ఆహారాలను తీసుకోవడం మంచిది కాదు. అలాంటి వాటి గురించి తెలుసుకోవడం అవసరం. ఇవి జీర్ణ సమస్యలు, చక్కెర స్థాయి పెరగడం వంటి సమస్యలు తెస్తాయి. కాబట్టి అరటిపండు తిన్న తర్వాత తినకూడని కొన్ని వస్తువుల గురించి ఇప్పుడు తెలుసుకుందాం.

సిట్రస్ పండ్లు

అరటిపండు తిన్న వెంటనే నారింజ, నిమ్మకాయలు, పైనాపిల్, స్ట్రాబెర్రీ తినొద్దు. ఇవి అన్నీ పుల్ల రుచి కలిగినవి. సాధారణంగా ఇవి ఫ్రూట్ జ్యూస్‌లలో కలిపి తీసుకుంటారు. కానీ అరటిపండుతో కలిస్తే జీర్ణక్రియపై ప్రభావం చూపిస్తుంది. కడుపులో వాత, తలనొప్పి వంటి సమస్యలు కలిగించవచ్చు.

పాలు, పెరుగు

అరటిపండు తిన్న తర్వాత చాలా మంది పాలు లేదా పెరుగు తీసుకుంటారు. అయితే ఆయుర్వేద ప్రకారం ఇది ఆరోగ్యానికి తక్కువ మేలు చేస్తుంది. దీనివల్ల అజీర్ణం, గ్యాస్, కడుపు ఒత్తిడి వంటి సమస్యలు కలగొచ్చు. శరీరాన్ని నెమ్మదిగా చేస్తుంది. తరచుగా ఇలా తింటే జీర్ణవ్యవస్థపై చెడు ప్రభావం పడుతుంది.

స్వీట్లు

అరటిపండ్లలో సహజంగా చక్కెర ఉంటుంది. దానితో పాటు ఇతర మిఠాయిలను తింటే రక్తంలో చక్కెర స్థాయి వేగంగా పెరుగుతుంది. ఇది ముఖ్యంగా డయాబెటిస్ ఉన్నవారికి ప్రమాదకరం. శరీరానికి తక్షణ శక్తిని ఇచ్చినప్పటికీ.. దీర్ఘకాలంలో ఆరోగ్యానికి మంచిది కాదు.

గుడ్లు

వ్యాయామం చేసినవారు అరటిపండ్లు, గుడ్లు కలిసి తినడం చూస్తాం. కానీ ఈ రెండింటి శరీరంపై ప్రభావం వేరు. ఒకటి శరీరాన్ని చల్లగా ఉంచుతుంది. మరొకటి వేడిని పెంచుతుంది. దీనివల్ల జీర్ణక్రియలో తలకిందుల మార్పులు జరుగుతాయి. తిన్న తర్వాత పొట్టలో అలజడి, నొప్పులు వస్తాయి.

కెఫిన్ డ్రింక్ లు

అరటిపండు తిన్న వెంటనే టీ, కాఫీ తాగడం మంచిది కాదు. వీటిలో కెఫిన్ ఉంటుంది. ఇది శరీరాన్ని ఉత్తేజితంగా చేస్తుంది. అరటిపండు మాత్రం శరీరాన్ని శాంతంగా ఉంచే గుణం కలిగి ఉంటుంది. ఇలాంటి విరుద్ధమైన లక్షణాలు కలిగిన ఆహార పదార్థాలను కలపడం వల్ల జీర్ణ సంబంధిత సమస్యలు తలెత్తుతాయి.

చీజ్

అరటిపండు తిన్న వెంటనే చీజ్ తినడం వల్ల మలబద్ధకం వచ్చే అవకాశం ఉంటుంది. చీజ్ గట్టిగా జీర్ణమయ్యే ఆహారం. అరటిపండు తిన్న తర్వాత దీనిని తీసుకుంటే కడుపులో అజీర్ణం, గ్యాస్ సమస్యలు వస్తాయి.

అరటిపండు తిన్న వెంటనే నీరు త్రాగకూడదు. ఇది జీర్ణక్రియను మందగింజేస్తుంది. మాంసం తినడం, బ్రెడ్ తినడం కూడా మంచిది కాదు. ఐస్ క్రీం వంటివి తినడం వల్ల శరీర ఉష్ణోగ్రత తగ్గి జీర్ణవ్యవస్థపై ప్రభావం చూపుతుంది. వీటిని నివారించడం ఆరోగ్యానికి మంచిది. ఈ సూచనలను అనుసరించడం ద్వారా అరటిపండ్ల పూర్తి ప్రయోజనాలను పొందవచ్చు. ఆరోగ్యంగా ఉండాలంటే సరైన ఆహారాల గురించి తెలుసుకోవడం చాలా అవసరం.