Dry Eyes Disease: ఎండ వేడికి రోజు రోజుకీ పెరుగుతున్న డ్రై ఐ సిండ్రోమ్‌ బాధితుల సంఖ్య.. చూపులో తేడా అనిపిస్తే తస్మాత్ జగ్రత్త..

అధిక వేడి కారణంగా కంటికి సంబంధించిన వ్యాధి డ్రై ఐ సిండ్రోమ్ బారిన పడుతున్నారు. ఇది కళ్లలో తగినంత ద్రవం ఉత్పత్తి కానప్పుడు సంభవిస్తుంది. దీని వల్ల కళ్లు పొడిబారి దురదగా ఉంటాయి. సకాలంలో చికిత్స తీసుకోకపోతే దృష్టి దెబ్బతినే ప్రమాదం ఉంది. ప్రస్తుతం ఈ వ్యాధికి సంబంధించిన కేసులు ఎక్కువగా ఆసుపత్రులకు వస్తున్నాయి.

Dry Eyes Disease

Surya Kala |
Updated on: May 29, 2024 | 1:15 PM

దేశంలోని చాలా ప్రాంతాలు ప్రస్తుతం విపరీతమైన వేడిని ఎదుర్కొంటున్నాయి. దేశంలోని కొన్ని రాష్ట్రాల్లో ఉష్ణోగ్రత 45 డిగ్రీల కంటే ఎక్కువగా ఉంది. వేడితో పాటు వడగాల్పులు కూడా కొనసాగుతున్నాయి. దీంతో ప్రజల ఆరోగ్యం తీవ్రంగా దెబ్బతింటోంది. హీట్ స్ట్రోక్, డీహైడ్రేషన్, కడుపు వ్యాధుల కేసులు పెరుగుతున్నాయి. వేడి కారణంగా ప్రజలు కూడా డ్రై ఐ సిండ్రోమ్ బారిన పడుతున్నారు. ఈ సిండ్రోమ్ బారిన పడిన వ్యక్తులకు సమయానికి చికిత్స చేయకపోతే.. కళ్ళు దెబ్బతింటాయి. డ్రై ఐ సిండ్రోమ్ అంటే ఏమిటి? దీనిని ఎలా నివారించవచ్చో వైద్యులు చెప్పిన సలహా గురించి ఈ రోజు తెలుసుకుందాం..

వైద్యుల చెప్పిన ప్రకారం అధిక వేడి కారణంగా కంటికి సంబంధించిన వ్యాధి డ్రై ఐ సిండ్రోమ్ బారిన పడుతున్నారు. ఇది కళ్లలో తగినంత ద్రవం ఉత్పత్తి కానప్పుడు సంభవిస్తుంది. దీని వల్ల కళ్లు పొడిబారి దురదగా ఉంటాయి. సకాలంలో చికిత్స తీసుకోకపోతే దృష్టి దెబ్బతినే ప్రమాదం ఉంది. ప్రస్తుతం ఈ వ్యాధికి సంబంధించిన కేసులు ఎక్కువగా ఆసుపత్రులకు వస్తున్నాయి.

డ్రై ఐ సిండ్రోమ్ సమస్య ఎందుకు వస్తుందంటే?

ఇవి కూడా చదవండి

ఈ విషయంపై ఢిల్లీలోని సర్ గంగారామ్ హాస్పిటల్‌లోని కంటి విభాగం హెచ్‌ఓడీ ప్రొఫెసర్ డాక్టర్ ఎకె గ్రోవర్ మాట్లాడుతూ ప్రస్తుతం చాలా మంది రోగులు డ్రై ఐ సిండ్రోమ్ సమస్యను ఎదుర్కొంటున్నారని చెప్పారు. హీట్ వేవ్, విపరీతమైన వేడి కారణంగా ఇది జరుగుతుంది. ఎండలో ఎక్కువ సేపు ఉండే వారు చాలా ఇబ్బందులు పడుతున్నారు. కళ్లలో మంట, కళ్లలో తేమ తగ్గడం వంటి సమస్యలను ఎదుర్కొంటున్నారు. వేడి కారణంగా టియర్ ఫిల్మ్ ఎండిపోతోందని డాక్టర్ గ్రోవర్ వివరించారు. దీంతో కళ్లు వాచిపోతున్నాయి. తేమ తగ్గడం, కళ్ల వాపును డ్రై ఐ సిండ్రోమ్ అంటారు. చా

విపరీతమైన వేడి కారణంగా కార్నియల్ బర్న్ కూడా సంభవించవచ్చు. దీని వల్ల చూపు మందగించే సమస్య వస్తుంది. ఈ సమస్యలకు సకాలంలో చికిత్స అందించకపోతే కంటికి నష్టం జరిగే ప్రమాదం ఉంది. ఇప్పటికే కంటి సమస్యలు ఉన్నవారికి.. దృష్టికి సంబంధించిన సమస్యలు మరింత పెరుగుతాయి. సూర్యరశ్మి నేరుగా కంటిపై పడడం వలన ఈ సమస్య బారిన పడతారు. సూర్యుని అతినీలలోహిత కిరణాలు కళ్లపై పడినప్పుడు.. కార్నియాను కూడా ప్రభావితం చేస్తుంది. కార్నియల్ బర్న్‌కు కారణమవుతుంది. ఇది కళ్ళకు తీవ్రమైన హాని కలిగించవచ్చు.