Corona Vaccine: ఇలా అయితే మీకు కరోనా నుంచి బులెట్ ప్రూఫ్ రక్షణ దొరికినట్టే.. ఎలాగో తెలుసుకోండి!

కరోనా వచ్చి తగ్గిన వారు  రెండు డోసుల వ్యాక్సిన్ తీసుకున్త తరువాత కొంతమందిలో సూపర్ యాంటీబాడీస్ తయారు అవుతున్నాయి. ఇది బుల్లెట్ ప్రూఫ్ లా కరోనా ఇన్ఫెక్షన్ నుండి రక్షిస్తుంది. వివరాలు తెలుసుకోండి.

Corona Vaccine: ఇలా అయితే మీకు కరోనా నుంచి బులెట్ ప్రూఫ్ రక్షణ దొరికినట్టే.. ఎలాగో తెలుసుకోండి!
Corona Vaccine

Corona Vaccine: కరోనా వచ్చి తగ్గిన వారు  రెండు డోసుల వ్యాక్సిన్ తీసుకున్త తరువాత కొంతమందిలో సూపర్ యాంటీబాడీస్ తయారు అవుతున్నాయి. ఇది బుల్లెట్ ప్రూఫ్ లా కరోనా ఇన్ఫెక్షన్ నుండి రక్షిస్తుంది. న్యూయార్క్‌లోని రాక్‌ఫెల్లర్ విశ్వవిద్యాలయానికి చెందిన పరిశోధకులు తమ ఇటీవలి పరిశోధన ద్వారా ఈ విషయాన్ని వెల్లడించారు. శాస్త్రవేత్తలు చెబుతున్న దాని ప్రకారం అటువంటి వ్యక్తులలో వ్యాధులతో పోరాడే సామర్ధ్యం చాలా పెరుగుతుంది. యాంటీబాడీస్ వైరస్ ఇన్‌ఫెక్షన్‌కు తక్షణమే ప్రతిస్పందిస్తాయి. శాస్త్రవేత్తలు దీనిని మానవాతీత రోగనిరోధక శక్తిగా పేర్కొన్నారు. పరిశోధకులు.. ”సూపర్ రోగనిరోధక శక్తి వివిధ రకాలైన కరోనాతో పోరాడటానికి సిద్ధంగా ఉంది. ఇటీవలి అనేక పరిశోధనలలో ఇది నిరూపీతం అయింది. ఇది కరోనా కొత్త వైవిధ్యాలను కూడా ఓడించగలదు.” అని అంటున్నారు.

పరిశోధన ఎలా జరిగింది..రోగనిరోధక శక్తి కరోనాను ఎలా ఓడిస్తుంది.. మేరకు ప్రభావవంతంగా ఉంటుంది..తెలుసుకుందాం..

న్యూయార్క్‌లోని రాక్‌ఫెల్లర్ విశ్వవిద్యాలయంలోని శాస్త్రవేత్తలు కోవిడ్ రోగనిరోధక శక్తిపై పరిశోధన చేశారు. పరిశోధన ద్వారా, కోవిడ్ రోగనిరోధక శక్తి, సహజ రోగనిరోధక శక్తి సంక్రమణ తర్వాత కరోనావైరస్ నుండి ఏ మేరకు రక్షణ కల్పిస్తుందో అర్థం చేసుకునే ప్రయత్నం జరిగింది. ఫైజర్, మోడర్నా టీకాలు పొందిన రోగులను పరిశోధనలో చేర్చారు.

ఈ విషయాన్ని మామూలు భాషలో చెప్పుకుంటే కనుక.. రెండు మోతాదుల టీకాలు శరీరంలోని రోగనిరోధక వ్యవస్థకు కరోనా జన్యు పదార్థమైన mRNA తీసుకోవడం ద్వారా వైరస్ సంక్రమణను వెంటనే అర్థం చేసుకుని, దానితో పోరాడటానికి చురుకుగా మారతాయి.

ఒకసారి కరోనా బారిన పడి దానిని ఓడించిన వారిలో ఉన్న వారి రోగనిరోధక వ్యవస్థ చాలా వరకు కరోనాతో పోరాడటం నేర్చుకుంటుంది. ఇప్పుడు ఆ వ్యక్తులు టీకా రెండు మోతాదులు తీసుకుంటే, ఆ వ్యక్తులు సూపర్ ప్రొటెక్టెడ్ అయినట్టే. అంటే, కరోనాతో పోరాడటానికి వారి శరీరంలో ఒక రకమైన రక్షణ కవచం అభివృద్ధి చెందింది.

సూపర్ రోగనిరోధక శక్తి ఎలా పనిచేస్తుంది..

రోగనిరోధక శక్తి రెండు విధాలుగా ఏర్పడుతుంది. ముందుగా, గతంలో వైరస్ సోకిన వ్యక్తులలో. రెండవది, టీకాలు వేసిన వారు.

సహజ రోగనిరోధక శక్తి

గతంలో కోవిడ్ బారిన పడిన వ్యక్తులలో ఏర్పడిన సహజ రోగనిరోధక శక్తి భిన్నంగా పనిచేస్తుంది. వైరస్ సంక్రమణ విషయంలో ఇది అనేక విధాలుగా రక్షణను అందిస్తుంది. ఉదాహరణకు, రోగనిరోధక వ్యవస్థ B, T కణాలు సంక్రమణ సమయంలో వైరస్ ను ఎలా గుర్తించాలో గుర్తుంచుకుంటాయి. సాధారణంగా ఈ రోగనిరోధక శక్తి 7 నుండి 8 నెలల వరకు ఉంటుంది. సుమారు 1 సంవత్సరం తరువాత, రోగనిరోధక వ్యవస్థ వైరస్ ను గుర్తుంచుకోవడానికి ప్రయత్నిస్తుంది, కానీ కొత్త వైవిధ్యాలు( న్యూ వేరియంట్స్) సంక్రమణ ప్రమాదాన్ని పెంచుతాయి.

టీకా తర్వాత రోగనిరోధక శక్తి

సహజ రోగనిరోధక శక్తిని పొందిన తరువాత, ఒక వ్యక్తికి టీకాలు వేస్తే, ఇంతకు ముందు మనం చెప్పుకున్న రోగాలతో పోరాడే, రోగనిరోధక వ్యవస్థ జ్ఞాపకం వైరస్‌తో పోరాడటానికి మరింత వేగంగా మారుతుంది. టీకా రోగనిరోధక వ్యవస్థను సూచించే విధంగా పనిచేస్తుంది. ఈ విధంగా ఇది చాలా కాలం పాటు వైరస్‌ను ఓడించడానికి సిద్ధంగా ఉంటుంది.

కరోనా తర్వాత, వ్యాక్సిన్ రెండు మోతాదులను తీసుకునే రోగులు ఇన్ఫెక్షన్‌తో ఒంటరిగా పోరాడే వారి కంటే 100 రెట్లు ఎక్కువ రక్షిత ప్రతిరోధకాలను ఉత్పత్తి చేస్తారు. ఈ యాంటీబాడీలు కరోనా ప్రమాదకరమైన వేరియంట్ B.1.351 నుండి కూడా రక్షించగలవు.

కరోనాను ఓడించిన తర్వాత రెండు మోతాదుల వ్యాక్సిన్ అందుకున్న వ్యక్తులు ప్రస్తుతం వైరస్‌తో పోరాడటానికి అత్యుత్తమ స్థితిలో ఉన్నారని, 20 ఏళ్ల కరోనాను ఓడించగల స్థితిలో ఉన్నారనీ రాక్‌ఫెల్లర్ యూనివర్సిటీకి చెందిన వైరాలజిస్ట్ థియోడోరా హాట్జియానో ​చెప్పారు. అలాంటి రోగుల రక్తంలో ఉండే యాంటీబాడీస్ 20 సంవత్సరాల క్రితం కనిపించిన కరోనావైరస్‌ను కూడా ఓడించగలవు.

Click on your DTH Provider to Add TV9 Telugu