వ్యాయామం చేయకుండానే బరువు తగ్గొచ్చు! ‘చక్కెర’ మానేస్తే నెలలో ఎన్ని కిలోలు తగ్గుతారో తెలుసా?

Quitting Sugar.jpg

బరువు తగ్గాలని కఠినమైన వర్కౌట్లు చేస్తున్నా ఫలితం రావడం లేదా? అయితే మీరు తీసుకునే తీపి పదార్థాలపై ఒక్కసారి కన్నేయండి. డాక్టర్ సుధీర్ కుమార్ ఒక 40 ఏళ్ల వ్యక్తిని ఉదాహరణగా తీసుకుని ఈ లెక్కలు వివరించారు. సుమారు 20 కిలోల అధిక బరువు ఉన్న వ్యక్తి, తన వ్యాయామంలో ఎలాంటి మార్పు చేయకుండా.. కేవలం ఆహారం నుంచి చక్కెరను తొలగిస్తే ఏం జరుగుతుందో తెలుసుకుందాం..

చక్కెరను ఎలా వదిలించుకోవాలి?

దినచర్యలో ఈ క్రింది నాలుగు మార్పులు చేస్తే చాలు.

• టీ లేదా కాఫీలో చక్కెర వేసుకోవడం మానేయాలి.
• ప్రతిరోజూ తాగే కోకాకోలా లేదా సాఫ్ట్ డ్రింక్స్‌కు స్వస్తి పలకాలి.
• ప్యాక్ చేసిన పండ్ల రసాలకు దూరంగా ఉండాలి.
• వారంలో రెండు మూడు సార్లు తినే ఐస్‌క్రీమ్‌లు, స్వీట్లను పక్కన పెట్టాలి.

ఎన్ని కిలోలు తగ్గుతారు?

కేవలం పైన చెప్పిన ఆహార పదార్థాలను మానేయడం ద్వారా, సదరు వ్యక్తి నెలకు సుమారు 1.5 కిలోల బరువు తగ్గుతారని డాక్టర్ సుధీర్ కుమార్ తెలిపారు. ఏ విధమైన కొత్త వ్యాయామాలు చేయకుండానే ఏడాదికి సుమారు 18 కిలోల బరువు తగ్గే అవకాశం ఉంటుంది. లిక్విడ్ క్యాలరీల (సాఫ్ట్ డ్రింక్స్, జ్యూస్) వల్ల కడుపు నిండిన అనుభూతి కలగదు. వీటిని చాలా త్వరగా తాగేయొచ్చు, దీనివల్ల మనం తెలియకుండానే ఎక్కువ క్యాలరీలను శరీరానికి ఇస్తాం. అందుకే ఇవి బరువు పెరగడానికి, డయాబెటిస్ మరియు ఫ్యాటీ లివర్ వ్యాధి రావడానికి ప్రధాన కారణమవుతున్నాయి.

జాగ్రత్తలు..

• బయట దొరికే ఆహార పదార్థాలు కొనేముందు వాటిపై ఉండే న్యూట్రిషన్ లేబుల్స్ చదవండి.
• సాధ్యమైనంత వరకు సహజమైన పండ్లనే తినండి, రసాలు కాదు.
• చక్కెరను తగ్గించడం వల్ల శరీరంలో ఎనర్జీ లెవల్స్ కూడా బ్యాలెన్స్‌డ్‌గా ఉంటాయి.

చక్కెరను మానేయడం అనేది కేవలం బరువు తగ్గడానికే కాదు, దీర్ఘకాలిక ఆరోగ్యాన్ని కాపాడుకోవడానికి కూడా ఎంతో ముఖ్యం. అయితే ఈ లెక్కలు అందరికీ ఒకేలా ఉండకపోవచ్చు. కాబట్టి మీ వయస్సు, ఆరోగ్య స్థితిని బట్టి సరైన డైట్ ప్లాన్ కోసం నిపుణులను సంప్రదించడం మంచిది.