మీ శరీరంలో మెగ్నీషియం తక్కువైందని చెప్పే లక్షణాలు.. వీటిని అస్సలు లైట్ తీసుకోవద్దు..!

Heart Healthy

మీ శరీరంలో మెగ్నీషియం తక్కువైతే శరీరం కొన్ని సంకేతాలు ఇస్తుంది. ఆ సంకేతాలను తొందరగా గమనించి డాక్టర్ ని సంప్రదించాలి. తద్వారా మీరు తీవ్ర సమస్యలు రాకుండా ఆపగలరు. మెగ్నీషియం లోపం వల్ల వచ్చే కొన్ని లక్షణాల గురించి ఇప్పుడు తెలుసుకుందాం.

మెగ్నీషియం సరిపడా లేకపోతే కండరాలు తగినంత బలపడవు. కండరాల నొప్పులు, ఆకస్మిక తిమ్మిరి వంటి సమస్యలు ఉత్పన్నమవుతాయి. ముఖ్యంగా రాత్రి సమయంలో కాళ్ల తిమ్మిరి ఎక్కువగా ఉంటే శరీరంలో మెగ్నీషియం తక్కువగా ఉండే అవకాశం ఉంది.

మెగ్నీషియం శక్తి ఉత్పత్తిలో కీలక పాత్ర వహిస్తుంది. ఇది తక్కువగా ఉంటే శరీరానికి కావలసిన శక్తి లభించదు. ఫలితంగా మీరు సుదీర్ఘ అలసట, బలహీనత అనుభవిస్తారు. రోజంతా అలసిపోవడం, చలించిపోవడం వంటి సమస్యలు ఉంటే మెగ్నీషియం లోపం ఉందని అనుకోవచ్చు.

గుండె సక్రమంగా కొట్టుకోవడానికి మెగ్నీషియం అవసరం. ఇది తక్కువగా ఉంటే గుండె స్పందన అసమానంగా ఉంటుంది. ఉదాహరణకు గుండె వేగంగా కొట్టుకోవడం లేక కొంత మందగించడం జరుగుతుంది. ఇలాంటి పరిస్థితులు ఎదురైతే వెంటనే వైద్యుడిని కలవడం మంచిది.

మెగ్నీషియం తక్కువగా ఉన్న వారు తమ ఆహారంలో కొన్ని పదార్థాలను ఎక్కువగా తీసుకుంటే ఈ లోపాన్ని సులభంగా సరిచేయవచ్చు.
గుమ్మడికాయ గింజలు, చియా గింజలు, జీడిపప్పు, బాదం, సోయా పాలు, టోఫు, వేరుశెనగ వెన్న, నల్ల జీలకర్ర, ఆకుపచ్చ పాలకూర
సాల్మన్ చేప లాంటి ఆహారాలు ప్రతిరోజూ తింటే మెగ్నీషియం లోపం తగ్గిపోతుంది.

శరీరంలో మెగ్నీషియం తగినంత లేకపోతే ఆరోగ్యం పాడవుతుంది. కండరాలు నొప్పిగా మారడం, అలసట ఎక్కువగా ఉండటం, గుండె సమస్యలు వస్తాయి. అందువల్ల ఈ పోషకాన్ని తగ్గకుండా ఉండేందుకు ఆహారంపై శ్రద్ధ తీసుకోవాలి. మంచి ఆహారం, మంచి జీవనశైలి ద్వారా మెగ్నీషియం సరిపడా లెవల్స్ శరీరంలో నిలుపుకోవచ్చు. ఇలా మీ శరీరం మెగ్నీషియం లోటును తెలియజేస్తుంది. అవి గమనించి వైద్య సలహా తీసుకోవడం చాలా ముఖ్యం.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)