Ragi Health Benefits: ఈ చపాతీలు తింటే ఆరోగ్యానికి ఎంత మంచిదో తెలుసా..?
పాతకాలం నుంచే మన దేశీయ వంటకాల్లో రాగి పిండికి ప్రత్యేకమైన స్థానం ఉంది. ఆరోగ్యానికి ఎంతో ప్రయోజనకరమైన ఈ ఆహార పదార్థం అనేక పోషక విలువలతో నిండి ఉంటుంది. ముఖ్యంగా శక్తి, సహజ పోషణను ఆశించే వారికి రాగి పిండి ఉత్తమమైన ఎంపికగా నిలుస్తుంది.
ప్రతిరోజూ శరీరానికి అవసరమైన ప్రోటీన్ ను పొందాలనుకుంటే.. రాగితో తయారైన చపాతీలను ఆహారంలో చేర్చుకోవడం మంచిది. వీటిలో ప్రోటీన్ శాతం మంచి స్థాయిలో ఉండటం వలన కండరాల అభివృద్ధికి సహాయపడుతుంది. రక్తంలో షుగర్ స్థాయిలను నియంత్రణలో ఉంచుకోవాలనుకునే వారు రాగి చపాతీలను తినడం అలవాటు చేసుకోవాలి. ఎందుకంటే ఇవి తక్కువ గ్లైసెమిక్ ఇండెక్స్ కలిగి ఉండటంతో రక్తంలో చక్కెర స్థాయి అకస్మాత్తుగా పెరగకుండా ఆపుతాయి.
ఉదయాన్నే రాగి చపాతీని తీసుకుంటే శరీరానికి అవసరమైన శక్తి లభిస్తుంది. ఇవి ఆహారాన్ని నెమ్మదిగా జీర్ణం అయ్యేలా చేయడం వల్ల ఆకలి త్వరగా కాకుండా ఉంటుంది. దీని వల్ల మీరు రోజువారీగా తక్కువ కేలరీలు తీసుకునే అవకాశం ఉంటుంది. ఇలా బరువును నియంత్రించుకోవడానికి ఇది చాలా సహాయపడుతుంది.
రాగి పిండిలో యాంటీఆక్సిడెంట్లు పుష్కలంగా ఉండటం వలన చర్మానికి నెమ్మదిగా మెరుపు వస్తుంది. చర్మంలోని మలినాలను తొలగించడంలో ఇవి సహాయపడతాయి. ఫలితంగా చర్మం ఆరోగ్యంగా, ప్రకాశవంతంగా కనిపిస్తుంది.
ఐరన్, జింక్ వంటి ఖనిజాలు కూడా రాగిలో చాలా ఎక్కువగా ఉండటం వలన జుట్టు ఆరోగ్యంగా ఉండేందుకు ఇది తోడ్పడుతుంది. జుట్టు రాలడం, పొడి జుట్టు సమస్యలు ఉన్నవారికి ఇది సహాయకారి.
రాగి పిండి తినే అలవాటు ఉన్నవారిలో ఎముకల బలాన్ని పెంచే కాల్షియం సరిపడా అందుతుంది. ఎముకల దృఢత్వానికి ఇది అవసరమైన సహాయాన్ని అందిస్తుంది. ముఖ్యంగా మహిళలు, వృద్ధులు దీన్ని ఆహారంలో భాగం చేసుకుంటే చాలా మంచిది.
ఈ పిండిలో ఫైబర్ మోతాదు అధికంగా ఉండటంతో జీర్ణవ్యవస్థ సజావుగా పని చేస్తుంది. మలబద్ధకాన్ని నివారించడానికి ఇది సహాయపడుతుంది.
గోధుమలలో ఉండే గ్లూటెన్ కు అలర్జీ ఉన్నవారికి రాగి పిండి ఉత్తమ ప్రత్యామ్నాయంగా ఉంటుంది. ఇది పూర్తిగా గ్లూటెన్ ఫ్రీ కాబట్టి అలాంటి సమస్యలు ఉన్నవారు ఈ ఆహారాన్ని భయపడకుండా సురక్షితంగా తినొచ్చు.
రాగి పిండితో చేసిన చపాతీలు ఆరోగ్యానికి అనేక విధాలుగా ఉపయోగపడతాయి. ఇది సులభంగా జీర్ణమయ్యే ఆహారం కావడంతోపాటు, శరీరాన్ని పుష్టిగా ఉంచుతుంది. అందుకే ప్రతిరోజూ ఆహారంలో రాగి చపాతీలకు స్థానం ఇవ్వడం చాలా మంచిది.