Corona Spread: నిబంధనలు పాటించకపోతే ఒక్కడు నెల రోజుల్లో 406 మందికి కరోనా వ్యాపింప చేయగలడు.. తాజా అధ్యయనంలో వెల్లడి!
కరోనా పై మందులు మాకులకంటే ఎక్కువగా నిబంధనాలతోనే యుద్ధం చేయగలం అని నిపుణులు పదే పదే చెబుతున్నారు. మాస్క్ లు ధరించడం.. భౌతిక దూరం పాటించడం ఈ రెండే బ్రహ్మాయుధాలు.
Corona Spread: కరోనా పై మందులు మాకులకంటే ఎక్కువగా నిబంధనాలతోనే యుద్ధం చేయగలం అని నిపుణులు పదే పదే చెబుతున్నారు. మాస్క్ లు ధరించడం.. భౌతిక దూరం పాటించడం ఈ రెండే బ్రహ్మాయుధాలని ఎప్పటికప్పుడు ప్రజల చెవిలో ఇల్లు కట్టుకుని పోరుతున్నాయి. ఇక ఇప్పుడు భౌతిక దూరం విషయంలో ఒక కొత్త విషయాన్ని బయట పెట్టింది ప్రభుత్వం. ఒక్క వ్యక్తి మాస్క్ ధరించకుండా.. భౌతిక దూరం పాటించకుండా జనం మధ్యలో తిరిగితే.. అతని ద్వారా 30 రోజుల్లో 406 మందిని కరోనా వ్యాపిస్తుందని చెప్పింది. అందుకే మాస్క్ లు ధరించడం.. సామాజిక దూరం పాటించడం తప్పనిసరి అని స్పష్టం చేస్తోంది.
ఆరోగ్య, కుటుంబ సంక్షేమ మంత్రిత్వ శాఖ జాయింట్ సెక్రటరీ లావ్ అగర్వాల్ మీడియా సమావేశంలో మాట్లాడుతూ తాజాగా జరిగిన అధ్యయనంలోని విషయాలు చెప్పారు. కోవిడ్ -19 పాజిటివ్ వ్యక్తి సామాజిక దూర చర్యలను పాటించకపోతే, 30 రోజుల్లో ఆ వ్యక్తి నుంచి 406 మందికి సోకుతుందని అనేక విశ్వవిద్యాలయాలు తమ పరిశోధనల్లో తేల్చాయని ఆయన అన్నారు. ఒక కోవిడ్ -19 రోగి తన ఎక్స్‌పోజర్‌ను 50 శాతం తగ్గిస్తే, ఆ వ్యక్తి 30 రోజుల్లో 15 మందికి కరోనా సోకేలా చేస్తాడని ఆయన అన్నారు. కోవిడ్ -19 పాజిటివ్ అలాగే సోకని వ్యక్తులు ఇద్దరూ మాస్క్ లు ధరిస్తే, వ్యాధి బారిన పడే అవకాశం 1.5 శాతం ఉంటుందని చెప్పారు. కరోనా సోకిన వ్యక్తి శారీరక బహిర్గతం 50 శాతం తగ్గిస్తే, 406 కు బదులుగా 15 మందికి వ్యాధి సోకినట్లు కనుగొన్నారు. వ్యాధి సోకిన వ్యక్తి శారీరక బహిర్గతం 75 శాతం తగ్గిస్తే, 30 రోజుల్లో 2.5 మంది ప్రజలు\కు సోకే అవకాశం ఉంటుంది అని అగర్వాల్ చెప్పారు.
క్లినికల్ మేనేజ్‌మెంట్‌పై దృష్టి పెట్టడం ఒకవైపు అవసరమని, మరోవైపు, కోవిడ్ -19 వ్యాప్తిని నియంత్రించడంపై దృష్టి పెట్టాలని లావ్ అగర్వాల్ నొక్కిచెప్పారు. మాస్క్ ల వాడకాన్ని ఆయన మళ్ళీ స్పష్టంగా చెప్పారు. “మీరు ఆరు అడుగుల దూరంలో ఉంటే, అప్పుడు కూడా ఒక కోవిడ్ పాజిటివ్ వ్యక్తి వైరస్ సంక్రమించని వ్యక్తికి వ్యాప్తి చెందే అవకాశం ఉందని అధ్యయనం చెబుతోంది. ఇంట్లో ఉన్నా మాస్క్ లు ధరించాల్సిన విషయాన్ని ఇది చెబుతోంది. ఒక వేళ మీరు మాస్క్ ధరించి.. కోవిడ్ సోకినా వ్యక్తి కనుక మాస్క్ ధరించకపోతే, కరోనా సోకే అవకాశం 30 శాతం ఉందని పరిశోధకులు తేల్చారు. అదే కోవిడ్ -19 పాజిటివ్ మరియు సోకనీ వ్యక్తులు ఇద్దరూ ముసుగులు ధరిస్తే, “వ్యాధి బారిన పడే అవకాశం 1.5 శాతం”. ఉంటుంది అని అధ్యయనాలు చెబుతున్నాయి.
Also Read: కరోనా అలర్ట్..! పడుకునే పద్దతి ద్వారా ఆక్సిజన్ లెవల్స్ పెంచుకోవచ్చు.. ఎలాగో మీరే తెలుసుకోండి..