Vitamin D: విటమిన్-డి పుష్టిగా అందాలంటే ఏ సమయంలో ఎండలో ఉండాలి?

విటమిన్-డి లోపం… ఇప్పుడు భారత్‌లో అతిపెద్ద సమస్యగా మారింది. సూర్యరశ్మి కింద పనిచేసే జనాలు, సూర్య నమస్కారాలు చేసే వ్యక్తులు ఉన్న మన సమాజాన్ని విటమిన్-డి లోపం వెంటాడుతుందని.. కనీసం ఆరోగ్య నిపుణులు కూడా అంచనా వేయలేదు. 3 సంవత్సరాల క్రితం నిర్వహించిన ఓ సర్వేలో దేశంలో ఏకంగా 76 శాతం ప్రజలు డి విటమిన్ లోపంతో సఫర్ అవుతున్నట్లు స్పష్టమైంది. ముఖ్యంగా మహిళల్లో ఈ లోపం ఎక్కువగా ఉన్నట్లు పరిశోధనలు చెబుతున్నారు. ప్రధానంగా పైసా ఖర్చు లేకుండా సూర్యరశ్మిలో విటమిన్-డి లభిస్తుందని అందరికీ తెలిసిన విషయమే. తెల్లవారుజామునే వచ్చే లేలేత సూర్య కిరణాల నుంచి అత్యధిక డి విటమిన్ లభిస్తుందని వైద్యులు చెబుతున్నారు. అలానే  సాయంత్రం పొద్దుకూకే సమయంలో ఎండ కూడా మంచిదట. శరీరాన్ని బట్టి ఒక్కొక్కరి ఒక్కోలా సూర్యరశ్మి అవసరం ఉంటుంది. ఎండలో ఉన్నప్పుడు ప్రధానంగా మోచేతులు, ముఖానికి నేరుగా ఎండ తగిలేలా చూసుకోవడం మర్చిపోకూడదు.