అవెంజర్స్ సినిమా ‘రివెంజ్’.. ఆసుపత్రి పాలైన యువతి

హాలీవుడ్ మూవీ ‘అవెంజర్స్ ఎండ్ గేమ్’ ఈ నెల 26న ప్రపంచవ్యాప్తంగా విడుదలై భారీ రికార్డులను తన ఖాతాలో వేసుకుంటోంది. ఇది ఇలా ఉంటే ఈ సినిమా భారత్ కంటే రెండు రోజులు ముందే చైనాలో రిలీజయ్యింది. అక్కడ కూడా సరికొత్త రికార్డ్స్ సృష్టిస్తుండగా.. ఈ మూవీ క్లైమాక్స్ ను చూస్తూ భావోద్వేగానికి గురైన ఓ యువతి కన్నీరుమున్నీరైంది. ఒక దశలో శ్వాస తీసుకోలేక స్పృహ కోల్పోవడంతో ఆమెను ఆసుపత్రికి తరలించి చికిత్స అందించారు. మెల్లగా కోలుకున్న ఆమె ఆరోగ్యం నిలకడగా ఉందని వైద్యులు ప్రకటించారు. ఇక బెంగళూరులో ఆదివారం ఈ మూవీ సెకండ్ షోకు థియేటర్ లోకి వెళ్తున్నప్పుడు జరిగిన తొక్కిసలాటలో ఓ మహిళ గాయపడింది.