Rangi Movie update: మణిరత్నం సినిమా కోసం ఆ మూవీని చకచక కంప్లీట్ చేసిన స్టార్ హీరోయిన్..

ప్రస్తుతం ఈ అమ్మడికి తెలుగులో అవకాశాలు తగ్గాయి. కానీ తమిళ్ లో సినిమాలు చేస్తూ బిజీగానే ఉంది. 

తెలుగులో టాప్ హీరోయిన్‏గా కొనసాగిన త్రిష ప్రస్తుతం ఆశించినంత ఆఫర్లను అందుకోలేకపోతుంది. ఇటీవల 96 సినిమాతో బ్లాక్ బస్టర్ సినిమాతో తమిళ్ఇండస్ట్రీ‏లో వరుస ఆఫర్లు అందుకుంటుంది. ప్రస్తుతం త్రిష రాంగి, షుగర్, రామ్, పరమపాదం విలయాట్టు, గర్జనై, శతురంగ వెట్టై 2 అనే సినిమాల్లో నటించనుంది. ఇక వీటితోపాటు మణిరత్నం తెరకెక్కిస్తున్న భారీ బడ్జెట్ సినిమా ‘పొన్నియన్ సెల్వన్’‏లో కూడా కీలక పాత్రలో నటిస్తుంది త్రిష.

ఇటీవలే మణిరత్నం పొన్నియన్ సెల్వన్ సినిమా షూటింగ్ తిరిగి ప్రారంభమైంది. ఇక ఈ సినిమాలో కీలక పాత్రలో నటించబోతున్న త్రిష కూడా వీలైనంత తొందర్లో ఈ మూవీ షూటింగ్‏లో జాయిన్ కావాల్సింది ఉంది. దీంతో ఆమె ప్రస్తుతం చేస్తున్న ‘రాంగి’ సినిమా షూటింగ్‏ను పూర్తిచేసుకుంది. ఈ చిత్రాన్ని ఎమ్. శరవణన్ తెరకెక్కిస్తుండగా.. లైకా ప్రొడక్షన్స్ నిర్మిస్తుంది.