Ponniyin Selvan 2: చార్టెడ్ ప్లైట్‌లో చక్కర్లు కొట్టిన పొన్నియన్ సెల్వన్ టీమ్.. వైరల్ అవుతోన్న ఫోటో

మణిరత్నం తన డ్రీమ్ ప్రాజెక్ట్ గా పొన్నియన్ సెల్వన్ సినిమాను ప్రేక్షకుల ముందుకు తీసుకు వచ్చారు. భారీ అంచనాల మధ్య విడుదలైన ఈ సినిమా మంచి విజయాన్ని అందుకుంది.  పొన్నియన్ సెల్వన్ సినిమా నిజానికి ఎప్పుడో రావాల్సింది కానీ ఆలస్యం అయ్యింది. కరోనా కారణంగా ఈ సినిమాకు చాలా గ్యాప్ వచ్చింది. మొన్నామధ్య ఈ సినిమా మొదటి పార్ట్ ప్రేక్షకుల ముందుకు వచ్చింది. ప్రముఖ నవల పొన్నియన్ సెల్వన్ ఆధారంగా ఈ సినిమాను రెండు భాగాలుగా తెరకెక్కిస్తున్నారు మణిరత్నం. తెలుగు, తమిళం, హిందీ, కన్నడ, మలయాళ భాషల్లో ఈ సినిమా విడుదలైంది. అన్ని ప్రాంతాలనుంచి పాజిటివ్ టాక్ సొంతం చేసుకుంది ఈ సినిమా.

కార్తి, జయం రవి, త్రిష, ఐశ్వర్య రాయ్, ప్రకాశ్ రాజ్, పార్థిబన్, ఐశ్వర్య లక్ష్మీ, ప్రభు, శరత్ కుమార్, విక్రమ్ ప్రభు, జయరాం నటించారు. దేశ వ్యాప్తంగా సెప్టెంబర్ 30న విడుదలైన ఈ సినిమాకు ఏఆర్ రహమాన్ సంగీత దర్శకత్వం వహించగా.. సీనియర్ రైటర్ జయమోహన్ డైలాగులు రచించారు. ఇదిలా ఉంటే ఇప్పుడు పొన్నియన్ సెల్వన్ సెకండ్ పార్ట్ కోసం అంతా ఆసక్తిగా ఎదురుచూస్తున్నారు. ఇక ఇప్పుడు పార్ట్ 2 ప్రేక్షకుల ముందుకు రానుంది.

పొన్నియన్ సెల్వన్ 2 ఏప్రిల్ 28న రిలీజ్ అవుతోన్న సంగతి తెలిసిందే. ఇప్పటి వరకు ఈ సినిమా ప్రమోషన్స్ ను మొదలు పెట్టలేదు చిత్రయూనిట్.కానీ ఇప్పుడు ప్రమోషన్స్ లో స్పీడ్ పెంచానుందని తెలుస్తోంది. తాజాగా ఈ మూవీ టీమ్ అంతా చార్టెడ్ ప్లైట్ లో చక్కర్లు కొట్టారు. కార్తి… జయం రవి.. విక్రమ్.. త్రిష ప్లైట్ స్టెప్స్ దగ్గర దిగిన ఫోటో నెట్టింట చక్కెర్లు కొడుతుంది.