Upcoming Movie: ఈవారం విడుదలయ్యే సినిమాలు/ వెబ్ సిరీస్ ఇవే.. రష్మికతో పోటీ పడనున్న సుధీర్ బాబు..

నవంబర్ మొదటి వారం వచ్చేసింది. ఇప్పుడు థియేటర్లలోకి కొత్త కొత్త సినిమాలు, ఓటీటీలోకి వెబ్ సిరీస్ రానున్నాయి. నేషనల్ క్రష్ రష్మిక మందన్నా, సుధీర్ బాబు నటించిన చిత్రాల నుంచి చిన్న సినిమాలు సైతం ప్రేక్షకుల ముందుకు రాబోతున్నాయి. ఇంతకీ ఈ వారం థియేటర్లలో, ఓటీటీలలో ఏఏ సినిమాలు విడుదల కాబోతున్నాయో చూద్దామా.

The Girl Friend Movie

Rajitha Chanti |
Updated on: Nov 03, 2025 | 11:20 AM

నవంబర్ మొదటి వారంలో థియేటర్లలో కొత్త కొత్త సినిమాలు రిలీజ్ కానున్నాయి. నేషనల్ క్రష్ రష్మిక మందన్నా ప్రధాన పాత్రలలో తెరకెక్కుతున్న సినిమా ది గర్ల్ ఫ్రెండ్. రాహుల్ రవీంద్రన్ దర్శకత్వం వహిస్తునన ఈ సినిమాలో రష్మికకు జోడిగా కన్నడ హీరో దీక్షిత్ శెట్టి నటిస్తున్నారు. ఇప్పటికే విడుదలైన సాంగ్స్, టీజర్ ఆకట్టుకున్నాయి. ఈ చిత్రాన్ని నవంబర్ 7న విడుదల చేయనున్నారు. కొన్ని రోజులుగా ఈ మూవీ ప్రమోషన్లలో పాల్గొంటుంది రష్మిక. అలాగే సుధీర్ బాబు హీరోగా డైరెక్టర్ వెంకట్ కళ్యాణ్ దర్శకత్వం వహిస్తున్న సినిమా జటాధర. జీ స్టూడియో సమర్పణలో ఉమేశ్ కె.ఆర్.భన్సాల్, ప్రేరణ అరోర సంయుక్తంగా నిర్మిస్తున్న ఈ మూవీని నవంబర్ 7న విడుదల చేయనున్నారు.

ఇవి కూడా చదవండి : Cinema : 64 ఏళ్ల హీరో సరసన 27 ఏళ్ల హీరోయిన్.. కట్ చేస్తే.. బాక్సాఫీస్ షేక్ చేసిన సినిమా..

ఇందులో బాలీవుడ్ తారలు సోనాక్షి సిన్హా, శిల్ప శిరోద్కర్ కీలకపాత్రలు పోషిస్తున్నారు. అనంత పద్మనాభ స్వామి ఆలయం చుట్టూ తిరిగే కథ ఇది. అక్కడి సంపద, దాని చుట్టూ అల్లుకున్న వివాదాలు, పురాణ చరిత్ర.. ఇలా అన్నింటినీ దీంట్లో చూపించనున్నట్లు చిత్రయూనిట్ వెల్లడించింది. ఈ సినిమాతోపాటు విష్ణు విశాల్ హీరోగా నటిస్తున్న ఆర్యన్ మూవీ సైతం అడియన్స్ ముందుకు రానుంది. గత నెల 31న తెలుగు, తమిళం భాషలలో ఒకేసారి విడుదల కావాల్సి ఉండగా.. కొన్ని కారణాలతో వాయిదా పడింది. ఇప్పుడు నవంబర్ 7న ఈ సినిమా విడుదల కానుంది. అలాగే ది గ్రేట్ ప్రీ వెడ్డింగ్ షో అనే సినిమా సైతం అడియన్స్ ముందుకు రానుంది.