Tanikella Bharani : ఆయన అందరికంటే గొప్ప నటుడు.. కానీ మా ఇంటికి వచ్చి ఆ పాత్ర చెయొద్దన్నారు.. తనికెళ్ల భరణి..
టాలీవుడ్ సినీరంగంలో దశాబ్దాలుగా ఎన్నో వైవిధ్యమైన పాత్రలు.. వందలాది చిత్రాల్లో నటించి తనదైన ముద్ర వేశారు తనికెళ్ల భరణి. నటుడిగానే కాకుండా రచయితగానూ మంచి గుర్తింపు సంపాదించుకున్నారు. ఇప్పటికీ బ్యాక్ టూ బ్యాక్ సినిమాలతో ప్రేక్షకులను మెప్పిస్తున్నారు. ఈ క్రమంలోనే గతంలో తన సినీ ప్రయాణంలో ఎదురైన సంఘటనలను ఓ ఇంటర్వ్యూలో వెల్లడించారు.
కోట శ్రీనివాసరావుతో తనకు పోటీ లేదని, ఆయన తనకంటే గొప్ప నటుడని తనికెళ్ల భరణి ఓ ఇంటర్వ్యూలో స్పష్టంగా తెలియజేశారు. ఇద్దరు ప్రముఖ నటుల మధ్య పోటీ ఉందన్న ఊహాగానాలను ఆయన ఖండించారు. కోట శ్రీనివాసరావు తనకంటే చాలా మందికంటే గొప్ప నటుడని త్రికరణ శుద్ధిగా చెప్పగలనని, ఆయన తనకు ఎప్పుడూ పోటీ కాలేదని భరణి వివరించారు. అయితే, కొందరు వ్యక్తులు తమ మధ్య పోటీ వాతావరణాన్ని సృష్టించేందుకు ప్రయత్నించారని, దీనివల్ల కోట శ్రీనివాసరావు బాధపడ్డారని తనికెళ్ల భరణి గుర్తు చేసుకున్నారు. ఒక చిత్రంలో వేషం విషయంలో జరిగిన సంఘటనను ఆయన వెల్లడించారు. కోట శ్రీనివాసరావు ఇంటికి వచ్చి, తనకు ఇవ్వబడిన పాత్రను చేయవద్దని కోరారని భరణి తెలిపారు. “నన్ను తీసేసి నీకు ఇస్తున్నారా వేషం, వెయ్యకు” అని కోట శ్రీనివాసరావు అన్నారని, దానికి తాను “మరి నేను వెయ్యకపోతే వాళ్ళు పెద్దవాళ్ళు సార్, నాకు సర్వైవల్ లేదు కదా” అని సమాధానం ఇచ్చానని భరణి చెప్పారు. ఆ పాత్రను కోట శ్రీనివాసరావే తనకంటే గొప్పగా చేయగలరని, ఆయన వేసి ఉంటేనే ఆ సినిమా బాగుండేదని అన్నారు.
పాత్రల ఎంపిక, నటుల సామర్థ్యం గురించి మాట్లాడుతూ, కొన్ని పాత్రలు కొందరికి బాగా నప్పుతాయని, అవి వారిని ఎలివేట్ చేస్తాయని భరణి అన్నారు. ప్రకాష్ రాజ్ లా చేసేవాళ్లు చాలామంది ఉన్నా, ప్రకాష్ రాజ్ కోసం రాసే పాత్రల వల్లే ఆయన ఎలివేట్ అవుతారని ఉదాహరణగా పేర్కొన్నారు. బలహీనమైన పాత్రలు కొందరు గొప్ప నటులను కూడా రాణించనీయవని ఆయన అన్నారు. యమలీలలో తాను చేసిన వేషం కోట శ్రీనివాసరావు చేయలేకపోవచ్చు కదా అని ప్రశ్నిస్తూ, అలాగే కొన్ని పాత్రలు కోట శ్రీనివాసరావు బాగా చేయగలరని, మరికొన్ని తాను బాగా చేయగలనని వివరించారు.
సినిమా రంగంలోకి తన ప్రవేశం గురించి మాట్లాడుతూ, చాలా మందిలాగా తాను పెద్దగా కష్టపడలేదని, రాయల్గా వచ్చేశానని భరణి పేర్కొన్నారు. నాటకరంగంలోనే పడాల్సిన కష్టాలు పడి, రాళ్ళపల్లి లాంటి గురువుల పర్యవేక్షణలో ఎంజాయ్ చేస్తూ సినిమాలు చేశానన్నారు. వేషాలు వద్దనే స్థాయికి తాను ఉన్నానని, తన గురువులు తనను చూసుకున్నట్లే తాను కూడా తన శిష్యులను చూసుకోవడం ప్రారంభించానని చెప్పారు. తన ఇంట్లో అసిస్టెంట్లు కుటుంబ సభ్యులుగా ఉంటారని, 13-14 మంది అసిస్టెంట్లను తాను చూసుకున్నానని తెలిపారు. తన డ్రైవర్ సుంకర రమేష్ ఇంటిని, కారును కొనుక్కోవడానికి తాను సహాయం చేశానని, తన మేకప్ మేన్ ఇల్లు కట్టుకొని, కొడుకులను అమెరికాలో చదివిస్తున్నాడని ఉదాహరణలిచ్చారు. సహాయం చేయడంలో ఉన్న ఆనందాన్ని తాను బలంగా పట్టుకున్నానని, అప్పట్లో తెలియక తక్కువ ఇచ్చినా, ఇప్పుడు లక్ష అడిగితే రెండు లక్షలు ఇవ్వడానికి సిద్ధంగా ఉన్నానని తనికెళ్ల భరణి అన్నారు.
ఎక్కువ మంది చదివినవి : Tollywood : గ్లామర్ సీన్స్ చేస్తానని ఏడ్చేశాను.. నాకెందుకు అలాంటి సీన్స్ రాలేదు.. టాలీవుడ్ హీరోయిన్..
ఎక్కువ మంది చదివినవి : Cinema : రూ.150 కోట్లు పెట్టి పరమ చెత్త సినిమా తీశారు.. ఇండస్ట్రీలో అతిపెద్ద డిజాస్టర్.. ఇప్పటికీ కోలుకోని నిర్మాత..