25 లక్షలు ఇస్తే.. నేను రెడీ: సునీల్

బిగ్ బాస్ సీజన్ 3 జూలై నెలలో ప్రారంభం కానుంది. హోస్ట్‌గా నాగార్జునను ఎంపిక చేసుకున్న యాజమాన్యం.. పార్టిసిపెంట్స్ కోసం వెతుకుతోంది. అయితే రెండో సీజన్‌లో పెద్దగా పరిచయం లేని పార్టిసిపెంట్స్‌ను సెలెక్ట్ చేయడంతో విమర్శలు వచ్చాయి. దీంతో మూడో సీజన్ కోసం కాస్త క్రేజ్ ఉన్న నటి నటులను ఎంపిక చేసే పనిలో ఉన్నారు. ఇప్పటికే పలువురిని సెలెక్ట్ చేయగా.. తాజాగా కమెడీయన్ నుంచి హీరోగా టర్న్ తీసుకున్న సునీల్‌ని తీసుకోవాలని నిర్వాహకులు భావించారట. ఇందుకు గాను ఆయ‌న్ని కలిసి చర్చలు జరిపారట. అయితే తనకి రోజుకి 25 ల‌క్ష‌ల రూపాయ‌లు ఇస్తే బిగ్ బాస్‌లో పార్టిసిపేట్ చేస్తాన‌ని సునీల్‌ అన్నాడ‌ట‌. దీంతో నిర్వాహకులు షాక్ అయ్యారట. కాగా, బిగ్ బాస్ పార్టిసిపెంట్స్‌కి రోజుకి ల‌క్ష‌ రూపాయ‌లు మాత్ర‌మే ఇస్తుండ‌గా, సునీల్ చేసిన డిమాండ్ బిగ్ బాస్ నిర్వాహ‌కులని ఆశ్చర్యపరిచిందట. మ‌రి సోష‌ల్ మీడియాలో దీనిపై విస్తృత ప్ర‌చారం జ‌రుగుతుండగా, ఇది ఎంతవరకు నిజం అనేది తెలియాల్సి ఉంది.