ఈయన హీరో కాబోతున్నాడండోయ్

ఏ రంగంలో ఉన్నవారికైనా  సినిమా ఫీల్డ్ అంటే ఒక స్పెషల్ ఇంట్రస్ట్ ఉంటుంది. ఏమాటకి ఆ మాట చెప్పాలి వెండితెరపై తమని తమను చూసుకొని ముచ్చటపడాలనుకుంటారు. కాకపోతే అందరి కోర్కెలు నెరవేరవు. లైఫ్‌లో బాగా సెటిల్ అయ్యి  ఫైనాన్షియల్‌గా తిరిగి చూడలేని సిట్యువేషన్‌లో ఉంటే మాత్రం ఒక ట్రైల్ వేయచ్చు. మరి హీరోగా కాకపోయినా..ఏదో ఒక సూట్ అయ్యే పాత్రలో తళుక్కుమని మెరవచ్చు. ఇప్పుడు అదే చేయబోతున్నారు శరవణ స్టోర్స్ అధినేత లెజెండ్ శరవణన్ అరుళ్.

ఈయనకు ముందు నుంచి కూడా తెరపై కనిపించడం అంటే మహా ఇష్టంలా కనిపిస్తోంది. అందుకే తన స్టోర్స్‌కి సంబంధించిన యాడ్స్‌లో..బడా, బడా హీరోయిన్స్ పక్కన కూడ ఈయనే నటించేస్తుంటాడు. ఆ ప్రకటనల్లో తమన్నా, హన్సిక లాంటి స్టార్ హీరోయిన్స్ డ్యాన్స్ చేస్తుంటే..మధ్యలో డాబుగా, దర్పంగా నడిచొస్తుంటాడు ఈయన. అయితే ఎన్నాళ్లని యాడ్స్‌లో నటిస్తానని అనుకున్నాడో లేక అవి చేసి బోర్ కొట్టిందో తెలియదు కానీ ఈయన త్వరలోనే సిల్వర్ స్రీన్‌పై హీరోయిన్స్‌తో రొమాన్స్ చేయబోతున్నాడు.

ఈ లెజెండ్ శరవణన్ అరుళ్ నటించే సినిమా త్వరలో ప్రారంభం కానుంది.  ఈ చిత్రానికి జేడీ – జెర్రీ అనే దర్శకుల ద్వయం దర్శకత్వం వహిస్తున్నారట. జేడి అంటే జోసెఫ్ డీ. సామి.  జెర్రీ అంటే జెరాల్డ్ .   వచ్చే ఏడాది ఏప్రిల్ 14 న తమిళ ఉగాది సందర్భంగా ఈ సినిమాను రిలీజ్ చేస్తారట.  ఈ సినిమాలో నటించే హీరోయిన్..ఇతర నటీనటులు.. టెక్నిషియన్ల వివరాలను త్వరలో వెల్లడిస్తారని సమాచారం.