Ranjithame Song: రంజితమే తెలుగు వెర్షన్ సాంగ్ వచ్చేసింది.. సోషల్ మీడియాను షేక్ చేస్తోన్న పాట విన్నారా ?..

కోలీవుడ్ స్టార్ హీరో దళపతి విజయ్ కధానాయకుడిగా నేరుగా తెలుగులో చేస్తోన్న సినిమా వారుసుడు. ఈ చిత్రానికి వంశీ పైడిపల్లి దర్శకత్వం వహిస్తుండగా.. శ్రీ వెంకటేశ్వర క్రియేషన్స్‌ బ్యానర్ పై ప్రముఖ నిర్మాతలు దిల్ రాజు, శిరీష్, పీవీపీ బ్యానర్ పై పరమ్ వి పొట్లూరి, పెరల్ వి పొట్లూరి సంయుక్తంగా నిర్మిస్తున్నారు. సంక్రాంతి బిగ్గెస్ట్ ఎట్రాక్షన్స్ లో ఒకటిగా రాబోతున్న ఈ అవుట్ అండ్ అవుట్ ఎంటర్‌ టైనర్‌లో విజయ్ సరసన నేషనల్ క్రష్ రష్మిక మందన్న కథానాయికగా నటిస్తోంది. ఇక ఇప్పటికే విడుదలైన రంజితమే సాంగ్ యూట్యూబ్ లో సెన్సెషనల్ క్రియేట్ చేసింది. విడుదలైన 25 రోజుల్లోనే 7 కోట్లకు పైగా వ్యూస్ సొంతం చేసుకుని యూట్యూబ్ ట్రెండింగ్‏లో దూసుకెళ్తుంది. తాజాగా ఈపాట తెలుగు వెర్షన్ రిలీజ్ చేశారు మేకర్స్.

రంజితమే అంటూ సాగే ఈ పాటకు ప్రముఖ సినీ గేయ రచయిత రామజోగయ్య శాస్త్రి సాహిత్యాన్ని అందించారు. తమిళంలో విజయ్ పాడిన ఈ పాటను తెలుగులో అనురాగ్ కులకర్ణి ఎంఎం.మానసి ఆలపించారు. సూపర్ ఫామ్‌ లో ఉన్న ఎస్ థమన్ ఈ పాట కోసం ఫుట్‌ట్యాపింగ్ నంబర్‌ ను స్కోర్ చేశారు. ఇందులో విజయ్, రష్మికల జోడి లవ్లీగా కనిపించింది.

విజయ్‌, జానీ మాస్టర్‌ల కాంబినేషన్‌ సూపర్‌ హిట్‌. జానీ మాస్టర్ కొరియోగ్రఫీ చేసిన స్టెప్పులకు విజయ్ డ్యాన్స్ చేయడం చూడటం ఎప్పుడూ ట్రీట్‌ గా ఉంటుంది. డ్యాన్స్‌లు ట్రెండీగా, గ్రేస్ ఫుల్ గా ఉన్నాయి. ఈ పాటలో రష్మిక మందన్న స్టన్నింగ్ గా కనిపించింది. సెట్టింగ్, బ్యాక్‌డ్రాప్‌లు వైబ్రెటింగా వున్నాయి. మొత్తంమీద ఇది మళ్ళీ మళ్ళీ చూడాలనుకునే డ్యాన్స్ ట్రాక్. వైరల్ అవ్వడానికి కావాల్సిన అన్ని ఎలిమెంట్స్ ఈ పాటలో వున్నాయి. ఈ చిత్రానికి వంశీ పైడిపల్లితో పాటు హరి, అహిషోర్‌ సాల్మన్‌ కథ, స్క్రీన్ ప్లేను అందించారు. సెన్సేషనల్ మ్యూజిక్ డైరెక్టర్ థమన్ ఈ చిత్రానికి సంగీతం అందిస్తున్నారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.