GodFather: చిరంజీవి సినిమాను ఎంజాయ్ చేసిన తలైవా.. గాడ్ ఫాదర్ చిత్రానికి రజినీకాంత్ రివ్యూ.. ఏమన్నారంటే..

మెగాస్టార్ చిరంజీవి ప్రస్తుతం గాడ్ ఫాదర్ విజయాన్ని ఎంజాయ్ చేస్తున్నారు. అక్టోబర్ 5న ప్రేక్షకుల ముందుకు వచ్చిన ఈ సినిమా బ్లాక్ బస్టర్ హిట్‏తో దూసుకుపోతుంది. మలయాళీ హిట్ లూసీఫర్ రీమేక్‍గా వచ్చిన ఈ మూవీకి అన్ని వర్గాల ఆడియన్స్ నుంచి మంచి రెస్పాన్స్ వస్తుంది. డైరెక్టర్ మోహన్ రాజా తెరకెక్కించిన ఈ మూవీలో నయనతార, సత్యదేవ్, సల్మాన్ ఖాన్ కీలకపాత్రలలో నటించారు. పొలిటికల్ నేపథ్యంలో ఉన్న ఈ సినిమాపై సినీ ప్రముఖులు ప్రశంసలు కురిపిస్తున్నారు. తాజాగా గాడ్ ఫాదర్ చిత్రానికి సూపర్ స్టా్ర్ రజినీకాంత్ రివ్యూ ఇచ్చేశారు. ఈ సినిమాను తలైవా ఎంజాయ్ చేసినట్లుగా తెలుస్తోంది. అక్టోబర్ 10న సోమవారం తలైవా గాడ్ ఫాదర్ చిత్రాన్ని వీక్షించారని.. అది మర్చిపోలేని అనుభవమంటూ డైరెక్టర్ మోహన్ రాజా ట్విట్టర్ వేదికగా చెప్పుకొచ్చాడు. సినిమాను ఆదరించినందుకు తలైవాకి ధన్యవాదాలు తెలిపారు.

” సూపర్ స్టార్ రజినీకాంత్ గాడ్ ఫాదర్ చిత్రాన్ని చూశారు. చాలా బాగుంది అన్నారు. తెలుగు వెర్షన్ కోసం చేసిన అనుసరణలను గురించి ఆయన ప్రశంసించారు. చాలా చాలా ధన్యావాదాలు సర్. నా జీవితంలోని అత్యుత్తమ క్షణాలలో ఇది కూడా ఒకటి ” అంటూ రాసుకొచ్చారు మోహన్ రాజా. ఇందులో చిరు చెల్లెలిగా నయన్ కనిపించగా.. అతిథి పాత్రలో బాలీవుడ్ స్టార్ సల్మాన్ ఖాన్ కనిపించారు.

ఇక ఇటీవలే ఈ మూవీ సక్సెస్ మీట్ గ్రాండ్ గా నిర్వహించింది చిత్రయూనిట్. ప్రస్తుతం చిరు భోళా శంకర్, వాల్తేరు వీరయ్య చిత్రాల్లో నటిస్తున్నారు. ఈ రెండు సినిమాలు షూటింగ్ శరవేగంగా జరుపుకుంటున్నాయి. మరోవైపు డైరెక్టర్ మోహన్ రాజా తన తదుపరి సినిమా అక్కినేని నాగార్జునతో ఉండనుందని.. వీరిద్దరి కాంబోలో వచ్చే ప్రాజెక్ట్ మల్టీస్టారర్ అని టాక్ వినిపిస్తోంది. ఇందులో అక్కినేని అఖిల్ సైతం నటించనున్నారట. త్వరలోనే ఈ ప్రాజెక్ట్ గురించి అఫీషియల్ అనౌన్స్మెంట్ రానుంది.

Superstar watched #Godfather ? Excellent!! very nice!! very interesting!!! are few of the remarks in his detailed appreciation on the adaptions made for the Telugu version. Thank u so much Thalaiva @rajinikanth sir, one of the best moments of life.. means a lotttt ? pic.twitter.com/AFdT7oOoBe

— Mohan Raja (@jayam_mohanraja) October 10, 2022

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.