Student No.1: స్టూడెంట్ నెంబర్ 1 కోసం మొదట అనుకుంది ఎన్టీఆర్‏ను కాదట.. ఇంతకీ ఆ హీరో ఎవరో తెలుసా..

పాన్ ఇండియా స్టార్ డైరెక్టర్ రాజమౌళి తెరకెక్కించిన స్టూడెంట్ నెంబర్ 1 (Student No.1) చిత్రం అప్పట్లో ఎంత సంచలనం సృష్టించిందో తెలిసిన విషయమే. అటు దర్శకుడిగా జక్కన్నకు (Rajamouli).. ఇటు హీరోగా ఎన్టీఆర్‏కు ఫస్ట్ మూవీ కావడం మరో విశేషం. వీరిద్దరి కాంబోలో వచ్చిన ఈ సినిమా బ్లాక్ బస్టర్ హిట్ అయ్యింది. ఈ చిత్రానికి తెలుగు ప్రేక్షకుల నుంచి విశేషమైన స్పందన లభించింది. అయితే ఈ సూపర్ హిట్ చిత్రానికి ముందుగా అనుకున్న హీరో ఎన్టీఆర్ కాదట. మరో హీరోను అనుకున్నారట. ఇటీవల నిర్మాత చలసాని అశ్విని దత్ ప్రముఖ షో ఆలీతో సరదాగాలో పాల్గోని పలు ఆసక్తికర విషయాలను పంచుకున్నారు.

స్టూడెంట్ నెంబర్ వన్ సినిమా కోసం ముందుగా ప్రభాస్‏ను కథానాయికుడిగా ఎంపిక చేసుకున్నారట. కానీ దివంగత నటుడు ఎన్టీఆర్ తండ్రి హరికృష్ణ తన కుమారుడిని ఈ సినిమాతో లాంచ్ చేయాలని కోరడంతో తన నిర్ణయం మార్చుకున్నారని.. దీంతో తారక్ ఈ సినిమాలో హీరోగా నటించారని తెలిపారు. తాము అనుకున్న దానికన్నా.. తారక్ అద్భుతంగా నటించారని అన్నారు. ఈ చిత్రాన్ని వైజయంతీ మూవీస్ నిర్మించగా.. 2001లో రిలీజ్ అయ్యి సూపర్ హిట్ అయ్యింది. ఈ చిత్రం తమిళంలో అదే టైటిల్‏తో 2003లో రీమేక్ అయ్యింది. ఇక ప్రభాస్ తదుపరి చిత్రం ప్రాజెక్ట్ కె గురించి స్పందిస్తూ.. ఇప్పటివరకు 55 శాతం షూటింగ్ పూర్తైందని అన్నారు. అవెంజర్స్ నేపథ్యంలో రాబోతున్న ఈ సినిమాలో అమితాబ్, దీపికా పదుకొణె నటిస్తుండగా.. డైరెక్టర్ నాగ్ అశ్విన్ తెరకెక్కిస్తున్నారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.