Prabhas: డార్లింగ్ రేంజ్ ఇది.. ప్రభాస్ దగ్గరున్న ఈ స్వాంకీ రేంజ్ రోవర్ కారు ధర తెలిస్తే మైండ్ బ్లాంకే..

ఈ సినిమా విజయంతో ఫుల్ జోష్ మీదున్న ప్రభాస్.. ఇప్పుడు తన కొత్త సినిమాను ప్రారంభించాడు. ఫౌజీ అనే పేరుతో రాబోయే పీరియాడికల్ యాక్షన్ డ్రామాను దర్శకుడు హను రాఘవపూడి తెరకెక్కించనున్నారు. సీతారామం తర్వాత చాలా కాలం గ్యాప్ తీసుకున్న హను ఇప్పుడు ప్రభాస్ తో జతకట్టాడు. ఈరోజు ఆగస్టు 17న హైదరాబాద్‌లో భారీ పూజా కార్యక్రమాలతో ఈ చిత్రం అధికారికంగా ప్రారంభమైంది.

Prabhas

Updated on: Aug 18, 2024 | 12:15 AM

పాన్ ఇండియా సూపర్ స్టార్ ప్రభాస్ ఇటీవలే కల్కి 2898 ఏడీ సినిమాతో బ్లాక్ బస్టర్ హిట్ అందుకున్న సంగతి తెలిసిందే. ఈ సినిమా విజయంతో ఫుల్ జోష్ మీదున్న ప్రభాస్.. ఇప్పుడు తన కొత్త సినిమాను ప్రారంభించాడు. ఫౌజీ అనే పేరుతో రాబోయే పీరియాడికల్ యాక్షన్ డ్రామాను దర్శకుడు హను రాఘవపూడి తెరకెక్కించనున్నారు. సీతారామం తర్వాత చాలా కాలం గ్యాప్ తీసుకున్న హను ఇప్పుడు ప్రభాస్ తో జతకట్టాడు. ఈరోజు ఆగస్టు 17న హైదరాబాద్‌లో భారీ పూజా కార్యక్రమాలతో ఈ చిత్రం అధికారికంగా ప్రారంభమైంది. అయితే ఈ వేడుకలకు ప్రభాస్ తన బ్లాక్ రేంజ్ రోవర్‌లో వచ్చిన ఈవెంట్‌లో స్టైలిష్‌గా ఎంట్రీ ఇచ్చాడు. బ్లాక్ అవుట్ ఫిట్ లో ఎంతో స్టైలీష్ గా కనిపించాడు. ఇదిలా ఉంటే ప్రభాస్ ఎంట్రీకి సంబంధించిన ఫోటోస్, వీడియోస్ నెట్టింట వైరల్ గా మారాయి. టాక్ ఆఫ్ ది టౌన్‌గా మారిన ఈ విలాసవంతమైన వాహనం ధర రూ. 2.7 నుండి 3 కోట్ల మధ్య ఉంటుందని సమాచారం.

ఫౌజీ షూటింగ్ ఆగస్టు 24న హైదరాబాద్‌లో ప్రారంభం కానుంది. స్వాతంత్య్రానికి పూర్వం జరిగిన సంఘటనల ఆధారంగా ఈ చిత్రాన్ని రూపొందించనున్నారు. ఇందులో ఇమాన్ ఎస్మాయిల్ మహిళా ప్రధాన పాత్రలో నటించనున్నారు. లాంచ్ ఈవెంట్‌లో ప్రభాస్‌తో పాటు ఆమె కూడా కనిపించింది. ఫౌజీతో పాటు, ప్రభాస్‌కు మున్ముందు బిజీ షెడ్యూల్ ఉంది.

ప్రస్తుతం ప్రభాస్ డైరెక్టర్ మారుతీ తెరకెక్కిస్తున్న రాజాసాబ్ సినిమాలో నటిస్తున్నాడు. త్వరలోనే రాజా సాబ్ షూటింగ్‌ను తిరిగి ప్రారంభించనున్నాడు. 2025 వేసవిలో విడుదల కానున్న ఈ హారర్ కామెడీ డ్రామాను పీపుల్ మీడియా ఫ్యాక్టరీ నిర్మిస్తున్న ఈ చిత్రానికి తమన్ సంగీతం అందించనున్నారు. వచ్చే ఏడాది ప్రారంభంలో, ప్రభాస్ కూడా సందీప్ వంగా స్పిరిట్ పనిని ప్రారంభించాలని భావిస్తున్నారు.