Ponniyin Selvan2: సైలెంట్‌గా ఓటీటీలోకి వచ్చేసిన పొన్నియన్ సెల్వన్ 2.. కానీ

మణిరత్నం తెరకెక్కించిన అత్యంత ప్రతిష్టాత్మక చిత్రం పొన్నియన్ సెల్వన్ 2. గతంలో వచ్చిన పీఎస్ 1 చిత్రానికి కొనసాగింపుగా వచ్చిన ఈ మూవీ కోసం దేశవ్యాప్తంగా సినీ ప్రియులు ఆసక్తి కలిగించింది. ఇందులో విక్రమ్ చియాన్, కార్తి, జయం రవి, శోభితా ధూళిపాళ్ల, త్రిష, ఐశ్వర్య రాయ్ కీలకపాత్రలలో నటించగా.. ఏఆర్ రెహమాన్ సంగీతం అందించారు.  ప్రముఖ నవల పొన్నియన్ సెల్వన్ ఆధారంగా ఈ సినిమాను రెండు భాగాలుగా తెరకెక్కించారు మణిరత్నం. మొదటి భాగం గతేడాది సెప్టెంబర్‌లో విడుదలై భారీ విజయం సాధించగా, గత నెలలో రెండో భాగం విడుదలై బ్లాక్‌ బస్టర్‌ హిట్‌గా నిలిచింది

తెలుగు, తమిళం, హిందీ, కన్నడ, మలయాళ భాషల్లో ఈ సినిమా విడుదలైంది. అన్ని ప్రాంతాల నుంచి పాజిటివ్ టాక్ సొంతం చేసుకుంది. తెలుగులోనూ ఈ సినిమాకు మంచి కలెక్షన్స్ వచ్చాయి. పార్ట్2లో కూడా కార్తి, జయం రవి, త్రిష, ఐశ్వర్య రాయ్, ప్రకాశ్ రాజ్, పార్థిబన్, ఐశ్వర్య లక్ష్మీ, ప్రభు, శరత్ కుమార్, విక్రమ్ ప్రభు, జయరాం నటించారు.

ఇక ఈ సినిమా విడుదలై మంచి విజయాన్ని అందుకుంది. ఇక ఇప్పుడు ఈ సినిమా ఓటీటీలోకి వచ్చేసింది. ప్ర‌ముఖ ఓటీటీ సంస్థ అమెజాన్ ప్రైమ్ వీడియోలో ఈ సినిమాను ఓటీటీలోకి తీసుకొచ్చారు. అయితే ఈ సినిమాను చూడాలంటే డబ్బులు పే చేయాల్సిందే. రెంటల్ పద్దతిలో ఈ సినిమాను అందుబాటులోకి వచ్చింది అమెజాన్ ప్రైమ్ వీడియో.