Kushi Movie: ‘ఓసి పెళ్ళామా’ అంటూ గోడు వెళ్లబోసుకుంటున్న విజయ్ దేవరకొండ.. ఖుషీ నుంచి..

Vijay Deverakonda, Samantha

టాలీవుడ్ రౌడీ హీరో విజయ్ దేవరకొండ ప్రధాన పాత్రలో నటించిన లేటేస్ట్ చిత్రం ఖుషీ. డైరెక్టర్ శివ నిర్వాణ దర్శకత్వం వహించారు. ఇందులో విజయ్ సరసన సమంత కథానాయికగా నటించింది. ఇప్పటికే ఈ సినిమా నుంచి విడుదలైన సాంగ్స్, ట్రైలర్ సినిమాపై మరింత ఆసక్తిని కలిగించాయి. ఇప్పటికే అన్ని కార్యక్రమాలు పూర్తిచేసుకున్న ఈ సినిమా సెప్టెంబర్ 1న విడుదల కానుంది. ఈ క్రమంలోనే కొద్ది రోజులుగా సినిమా ప్రమోషన్స్ వేగం పెంచారు మేకర్స్. మరోవైపు మయోసైటిస్ చికిత్స కోసం అమెరికా వెళ్లింది సామ్. ఇక విజయ్ దేవరకొండ ప్రచార కార్యక్రమాల్లో పాల్గొంటున్నారు. తాజాగా ఈ సినిమా నుంచి ఐదో సాంగ్ ప్రోమో రిలీజ్ చేసింది మూవీ టీం. ఓసి పెళ్లామా అంటూ సాగిపోతున్న ఈ పాటలోని సీన్స్ సినిమాపై ఆసక్తిని కలిగిస్తున్నాయి.

ఓసి పెళ్లామా అంటూ సాగే పాటలో కశ్మీర్‏లో సమంతను చూసి ప్రేమలో పడడం.. పెళ్లి చేసుకోవడం.. ఆ తర్వాత తమ జీవితంలో ఎదుర్కొన్న పరిస్థితులు.. భార్యతో తాను పడే పాట్లు చెప్పుకొచ్చాడు విజయ్. ఇక అందులో విజయ్, సామ్ మధ్య వచ్చే సీన్స్ మాత్రం మరింత ఆసక్తిని కలిగిస్తున్నాయి. ఈ పాట ఫుల్ వీడియోను ఆగస్ట్ 26న విడుదల చేస్తున్నట్లు మేకర్స్ తెలిపారు.

మహానటి సినిమా తర్వాత విజయ్, సమంత కలిసి నటిస్తోన్న సినిమా ఇదే. ఇప్పటికే ఈ సినిమా నుంచి విడుదలైన ఆరాధ్య, నా రోజా నువ్వే పాటలకు అద్భుతమైన రెస్పాన్స్ వచ్చింది. ఇక ఇప్పుడు ఐదో పాట కూడా ఆసక్తిని కలిగిస్తోంది. ఈ సినిమాను తెలుగుతోపాటు, తమిళం, మలయాళం, కన్నడ, హిందీ భాషల్లో రిలీ్ చేస్తున్నారు. ఈ సినిమాలో జయరాం, సచిన్ ఖేడేకర్, మురళీ శర్మ, లక్ష్మీ, అలీ కీలకపాత్రలలో నటిస్తున్నారు.

ప్రస్తుతం సమంత అమెరికాలో రిలాక్స్ అవుతున్నారు. దాదాపు ఏడాది కాలం సినిమాలకు బ్రేక్ తీసుకున్న ఆమె.. మయోసైటిస్ సమస్యకు అక్కడే చికిత్స తీసుకోనున్నారు. ఈ సమస్య నుంచి పూర్తిగా కోలుకున్న తర్వాత సామ్ తిరిగి సినిమాలపై దృష్టి పెట్టనున్నారు.

మరిన్ని సినిమా వార్తల కోసం ఇక్కడ క్లిక్ చేయండి.