Mrunal Thakur: సేమ్ బ్రాండ్ కంటిన్యూ చేయడం నా వల్ల కాదు అంటున్న మృణాల్
సీతారామమ్లో సీతగా మెప్పించిన మృణాల్ మొన్నే సెల్ఫీలోనూ తెగ స్టెప్పులేశారు. సినిమా హిస్టరీలో బౌండరీస్ దాటి గుర్తుండే ప్రేమకథల్లో సేఫెస్ట్ ప్లేస్ని రిజిస్టర్ చేసుకుంది సీతారామం సినిమా.
ఒక్కసారి స్క్రీన్ మీద పద్ధతిగా కనిపిస్తే, సేమ్ బ్రాండ్ కంటిన్యూ చేయాలా.? అమ్మో.. నావల్ల కాదు అంటున్నారు మృణాల్ ఠాకూర్. ఎప్పటికప్పుడు డిఫరెంట్గా ఉండటానికే ట్రై చేస్తానంటున్నారు ఈ బ్యూటీ. సీతారామమ్లో సీతగా మెప్పించిన మృణాల్ మొన్నే సెల్ఫీలోనూ తెగ స్టెప్పులేశారు. సినిమా హిస్టరీలో బౌండరీస్ దాటి గుర్తుండే ప్రేమకథల్లో సేఫెస్ట్ ప్లేస్ని రిజిస్టర్ చేసుకుంది సీతారామం సినిమా. ఈ చిత్రంలో ప్రిన్సెస్ నూర్జహాన్గా, రామ్ మనసుదోచుకున్న సీతగా మెప్పించారు మృణాల్ ఠాకూర్.
అంతలా జనాల మనసు దోచుకున్న మృణాల్ రీసెంట్ గా సెల్ఫీలో కుడియే ని తేరీలో వేసిన స్టెప్పులు చూసి నోరెళ్లబెట్టారు ఆడియన్స్. అసలు సీతారామం సినిమాకూ, సెల్ఫీకి ఎక్కడా పొంతనా లేదంటున్నారు. ఈ పాటలో వేసిన స్టెప్పులు గురించి స్పెషల్గా చెప్పారు కూడా మృణాల్.
ఈ పాటకు వేసిన స్టెప్స్ అటు టిపికల్ బాలీవుడ్వీ కాదు, అటు ఇండియన్ స్టైల్వీ కాదు. వెరైటీగా కంపోజ్ చేశారు. అందుకే మృణాల్ ప్రత్యేకంగా రిహార్సల్స్ కూడా చేశారు. సౌత్లో ఓ సినిమా చేస్తూనే, ఈ పాటకు రిహార్సల్స్ చేశారట ఈ బ్యూటీ. నా కంఫర్ట్ జోన్ని దాటి ఈ సినిమా కోసం స్టెప్పులేశాను. ఫర్దర్గానూ నాకు నేను హద్దులు విధించుకోదలచుకోలేదు అని అన్నారు మృణాల్. వెరైటీని, కొత్తదనాన్ని కోరుకుంటానని ప్రజలకు డప్పు కొట్టి చెప్పడం తన లక్ష్యం కాదంటారు మృణాల్. తనకు తానే సవాలు విసురుకుంటూ, రోజురోజుకీ టాలెంట్ని పెంచుకోవాలన్నదే ఉద్దేశమని అన్నారు.