october 1st: ఊరు, పేరు లేని సినిమా మరెవరిదో కాదు… అసలు విషయాన్ని వెల్లడించిన చిత్ర యూనిట్.

Movie Unit Clarifies About October 1st: హీరో, హీరోయిన్‌, దర్శకుడు, చివరికి సినిమా పేరు కూడా లేకుండా కేవలం విడుదల తేదీనే ప్రకటిస్తూ విడుదల చేసిన ఓ పోస్టర్‌ తాజాగా నెట్టింట్లో తెగ వైరల్‌గా మారిన విషయం తెలిసిందే...

october 1st: ఊరు, పేరు లేని సినిమా మరెవరిదో కాదు... అసలు విషయాన్ని వెల్లడించిన చిత్ర యూనిట్.
Follow us

| Edited By: Ram Naramaneni

Updated on: Feb 04, 2021 | 12:15 PM

Movie Unit Clarifies About October 1st: హీరో, హీరోయిన్‌, దర్శకుడు, చివరికి సినిమా పేరు కూడా లేకుండా కేవలం విడుదల తేదీనే ప్రకటిస్తూ విడుదల చేసిన ఓ పోస్టర్‌ తాజాగా నెట్టింట్లో తెగ వైరల్‌గా మారిన విషయం తెలిసిందే.

కుర్చీలో ఓ ఖర్చీఫ్‌ వేస్తున్న ఫొటోను షేర్‌ చేసి అక్టోబర్‌ 1న సినిమా విడుదల అని ఓ సినిమా ప్రచారాన్ని చిత్ర యూనిట్‌ వినూత్నంగా చేపట్టింది. ఈ సినిమా ఎవరిది అంటూ పెద్ద ఎత్తున చర్చ జరిగింది. ఇక ఒకరోజు తర్వాత ఈ సినిమా విశేషాలను వెల్లడించాడు దర్శకుడు. ఇంతకీ ఆ సినిమాలో ఎవరు నటిస్తున్నారనేగా మీ సందేహం. ఈ సినిమాకు మారుతి దర్శకత్వం వహిస్తుండగా.. గోపీచంద్‌ హీరోగా నటిస్తున్నాడు. ఇందులో గోపీ చంద్‌ ఒక క్రిమినల్‌ లాయర్‌గా నటించనున్నాడు. ఇక సినిమా షూటింగ్‌ను మార్చిలో మొదలు పెడతామని చెప్పిన చిత్ర యూనిట్‌ విడుదల తేదీ (అక్టోబర్‌ 1) విషయంలో మాత్రం అదే పట్టుదలతో ఉన్నారు. అసలు షూటింగ్‌ మొదలుకాక ముందే విడుదల తేదీని ఎలా ప్రకటించారంటూ అందరూ ఆశ్చర్యపోతున్నారు. ఇక ఈ సినిమా గురించి చిత్ర యూనిట్‌ మరో పోస్టర్‌ను తాజాగా విడుదల చేసింది. ఈ పోస్టర్‌లో సినిమాకు సంబంధించిన వివరాలను పొందుపరిచారు. ఇక ఈ చిత్రాన్ని యూవీ క్రియేషన్స్‌, గీతాఆర్ట్స్‌2 సంయుక్తంగా నిర్మిస్తుండడం విశేషం. మరి సినిమా షూటింగ్‌ మొదలుకాక ముందే పబ్లిసిటీని ఈ రేంజ్‌లో మొదలుపెట్టిన మారుతీ విడుదల వరకు మరెన్నీ వింతలు చూపిస్తాడో చూడాలి.

Also Read: Yadadri Temple: యాదాద్రి ఆలయ స్తంభాలపై సంపూర్ణ రామాయణ ఘట్టాలు.. చూసేందుకు రెండు కళ్లూ చాలవు..