Manchu Manoj: ‘సార్’ అంటూనే వర్మకు సాలిడ్ కౌంటర్ ఇచ్చిన మంచు మనోజ్..

మూవీ ఆర్టిస్ట్ అసోసియేషన్ (మా)లో ప్రస్తుతం ఎటువంటి పరిణామాలు ఉన్నాయో ప్రత్యేకంగా చెప్పాల్సిన పనిలేదు. ఫలితాల అనంతరం కూడా అదే హీట్ కొనసాగుతోంది.

Manchu Manoj: 'సార్' అంటూనే వర్మకు సాలిడ్ కౌంటర్ ఇచ్చిన మంచు మనోజ్..
Rgv Manchu Manoj

మూవీ ఆర్టిస్ట్ అసోసియేషన్ (మా)లో ప్రస్తుతం ఎటువంటి పరిణామాలు ఉన్నాయో ప్రత్యేకంగా చెప్పాల్సిన పనిలేదు. ఎన్నికలకు నెల రోజుల ముందు నుంచి స్టార్టయిన రచ్చ.. ఎన్నికల ముగిశాక కూడా కొనసాగుతోంది. ఎన్నికలకు సంబంధించి రోజుకో అంశం తెరపైకి వస్తోంది. అధ్యక్షుడిగా గెలిచిన మంచు విష్ణు ప్యానల్‌కు, ఓటమి పాలయిన ప్రకాశ్ రాజ్ ప్యానల్‌కు మధ్య మాటల యుద్దం కొనసాగుతూనే ఉంది. ఎన్నికల్లో అవకతవకలు జరిగాయని, తమ సభ్యులపై దాడులకు పాల్పడ్డారని ప్రకాశ్ రాజ్ ప్యానల్ ఆరోపిస్తోంది. ఎన్నికల రోజు సీసీ ఫుటేజ్ కోరుతోంది.  తాము ప్రజాస్వామ్య పద్దతిలోనే గెలిచామని, ప్రకాశ్‌ రాజ్‌ ఆరోపణలు అన్ని అర్థరహితమని  మంచు విష్ణు ప్యానల్ చెబుతోంది. కాగా ‘మా’ పరిణామాలపై ఇటీవల దర్శకుడు ఆర్జీవీ తన మార్క్ ట్వీట్ వేశారు.  మూవీ ఆర్టిస్ట్స్‌ అసోసియేషన్‌  ఓ సర్కస్ అని, అందులో ఉండే సభ్యులంతా జోకర్లు అంటూ బాంబు పేల్చారు ఆర్జీవీ.

అయితే వర్మ గురించి తెలుసు కాబట్టి.. అందరూ లైట్ తీసుకున్నారు. అయితే ఆయన వేసిన ట్వీట్ మాత్రం నెట్టింట తెగ వైరల్ అవుతోంది. పలువురు వర్మను సమర్థిస్తుండగా.. మరికొందరు విమర్శిస్తున్నారు. తాజాగా సీన్‌లోకి మంచు మనోజ్ ఎంటరయ్యారు. వర్మ ట్వీట్‌కు కాస్త ఘాటైన రిప్లై ఇచ్చారు. ‘మా’ ఒక సర్కస్ అయితే… మీరు రింగ్ మాస్టర్ సర్ అంటూ ట్వీట్ చేశాడు.

మాములుగా తన జోలికి రానివారిపైనే సోషల్ మీడియాలో ఓ రేంజ్‌లో పంచ్‌లు విసురుతారు వర్మ. అదే విధంగా తనపై కూడా ఎవరికున్న అభిప్రాయాలు వారు చెప్పొచ్చు అంటారు. ఈ క్రమంలో మనోజ్ కామెంట్‌కు ఏమైనా రిప్లై ఇస్తారా.. లేదా లైట్ తీసుకుంటారా అన్నది తెలియాలంటే కాస్త వెయిట్ చెయ్యాలి.

Also Read: సజ్జనార్ మార్క్.. నేటి నుంచి ఆ బస్టాండ్​లలో యూపీఐ, క్యూఆర్​ కోడ్​లతో నగదు చెల్లింపులు

Click on your DTH Provider to Add TV9 Telugu