Mahesh Babu: మహేష్ బాబు తనయుడి రికార్డ్.. తెలంగాణ స్టేట్ స్విమ్మింగ్ పోటీల్లో స్థానం.. నమ్రత ట్వీట్..
Mahesh Babu : సూపర్ స్టార్ మహేష్ బాబు తనయుడు గౌతమ్ స్విమ్మింగ్ పోటీల్లో రికార్డు సృష్టించి తండ్రికి తగ్గ తనయుడు అనిపించుకున్నాడు.
Updated on: Jun 17, 2021 | 6:37 PM
Mahesh Babu : సూపర్ స్టార్ మహేష్ బాబు తనయుడు గౌతమ్ స్విమ్మింగ్ పోటీల్లో రికార్డు సృష్టించి తండ్రికి తగ్గ తనయుడు అనిపించుకున్నాడు. తెలంగాణ స్టేట్ స్విమ్మింగ్ పోటీల్లో టాప్ 8 ఈతగాళ్ళ లిస్టులో స్థానం సంపాదించాడు గౌతమ్. 15 ఏళ్ల వయసులోనే గౌతమ్ ఈ ఘనత సాధించడం పట్ల చాలా గర్వంగా ఉందని.. మహేష్ బాబు సతీమణి నమ్రత సోషల్ మీడియా ద్వారా తన ఆనందాన్ని వ్యక్తం చేసింది. Goutham Gattamaneni
2018లోనే గౌతమ్ ఫ్రొఫెషనల్ స్విమ్మర్ గా మారాడని.. అప్పటినుంచి స్విమ్మింగ్ లో సత్తా చాటుతున్నాడని ఆమె పేర్కొంది. బటర్ ఫ్లై, బ్యాక్ స్ట్రోక్, బ్రెస్ట్ స్ట్రోక్, ఫ్రీ స్టైల్ అనే నాలుగు పద్ధతుల్లో ఈత కొట్టగల గౌతమ్.. 3 గంటల్లో 5 కిలోమీటర్లు ఈదగలడని చెప్పుకోచ్చింది. గౌతమ్ కు ఫ్రీ స్టైల్ అంటే చాలా ఇష్టమని నమ్రత చెప్పింది.
గౌతమ్.. మహేష్ ప్రధాన పాత్రలో నటించిన ‘1 నేనొక్కడినే’ సినిమా ద్వారా చైల్డ్ ఆర్టిస్ట్‌గా సినీ ఇండస్ట్రీలోకి ఎంట్రీ ఇచ్చాడు. చైల్డ్ ఆర్టిస్ట్‌గా నటనతో మెప్పించి మహేష్ అభిమానులను ఖుషీ చేశాడు. ఇప్పుడు మరోసారి ఈ అరుదైన ఫీట్ సాధించి మరోసారి మహేష్ ఫ్యాన్స్ ను సంతోషాన్ని ఇవ్వడమే కాకుండా.. అటు తల్లిదండ్రులను కూడా గర్వపడేలా చేశాడు. ప్రస్తుతం మహేష్.. పరశురామ్ దర్శకత్వంలో సర్కారు వారి పాట సినిమా చేస్తున్నాడు. ఇందులో కీర్తి సురేష్ హీరోయిన్ గా నటిస్తుంది.
ట్వీట్..
View this post on Instagram
