Tollywood: అప్పుడు బ్యాడ్మింటన్ ప్లేయర్.. ఇప్పుడు టాలీవుడ్ క్రేజీ హీరో.. ఆ స్టార్ హీరోకు బావ.. ఎవరంటే.

సినీరంగంలో ఈ హీరోకు ప్రత్యేక గుర్తింపు ఉంది. ఎప్పుడూ విభిన్నమైన సినిమాలను ఎంచుకుంటూ తెలుగు ప్రేక్షకులను ఆకట్టుకున్నాడు. అతి తక్కువ సమయంలోనే స్టార్ డమ్ సంపాదించుకున్నాడు. హిట్టు, ప్లాపులతో ఎలాంటి సంబంధం లేకుండానే వరుస సినిమాలతో అలరిస్తున్నాడు. ఇంతకీ ఆ హీరో ఎవరో తెలుసా..

Actor

Rajitha Chanti |

Updated on: Dec 17, 2024 | 9:34 AM

ఇప్పుడు టాలీవుడ్ ఇండస్ట్రీలో క్రేజీ హీరో. కానీ ఒకప్పుడు అతడు బ్యాడ్మింటన్ ప్లేయర్. పైన ఫోటోలో బ్యాడ్మింటన్ రన్నరప్ మెడల్ అందుకుంటున్న కుర్రాడిని గమనించారా.. ? ప్రస్తుతం టాలీవుడ్ ఇండస్ట్రీలో ఉన్న టాలెంటెడ్ హీరోలలో ఒకరు. విభిన్నమైన కంటెంట్ చిత్రాలతో ప్రేక్షకులను అలరించాడు. అంతేకాదు.. తెలుగు స్టార్ హీరోకు బావ కూడా. త్వరలోనే ఈ హీరో కొడుకు సైతం ఇండస్ట్రీలోకి అడుగుపెట్టేందుకు రెడీ అవుతున్నాడు. అతడు మరెవరో కాదు.. సూపర్ స్టార్ మహేష్ బాబు బావ హీరో సుధీర్ బాబు. దివంగత హీరో కృష్ణ అల్లుడు. కృష్ణ చిన్నకూతురు ప్రియదర్శిని ఘట్టమనేని భర్తే సుధీర్ బాబు. కానీ వీరిద్దరి స్టార్ డమ్ ఉపయోగించుకోకుండానే హీరోగా సినీరంగంలోకి అరంగేట్రం చేసి తనకంటూ మంచి గుర్తింపు తెచ్చుకున్నాడు.

2012లో ఏమాయ చేసావే సినిమాతో సినీరంగంలోకి ఎంట్రీ ఇచ్చాడు. ఆ తర్వాత శివ మనసులో శ్రుతి సినిమాతో హీరోగా మారాడు. తెలుగులో అనేక చిత్రాల్లో నటించి మెప్పించాడు. హిట్టు, ప్లాపులతో సంబంధం లేకుండా వైవిధ్యమైన కథలతో ప్రేక్షకులకు దగ్గరయ్యాడు. సినిమాల్లోకి రాకముందు సుధీర్ బాబు బ్యాడ్మింటన్ ప్లేయర్. ఆంధ్రప్రదేశ్ లో నంబర్ వన్ ర్యాంక్ సాధించాడు. ఒకసారి డబుల్స్ భాగస్వామిగా పుల్లెల గోపీచంద్‌తో కలిసి ఆడాడు. అప్పట్లో బ్యాడ్మింటన్ రన్న రప్ మెడల్ అందుకుంటున్న ఫోటో ఇప్పుుడు నెట్టింట తెగ వైరలవుతుంది.

దీంతో సుధీర్ బాబు బ్యాడ్మింటన్ ప్లేయర్ అని తెలిసి ఆశ్చర్యపోతున్నారు నెటిజన్స్. అటు హీరోగానూ తనకంటూ ప్రత్యేక గుర్తింపు తెచ్చుకున్న సుధీర్ బాబు పై ప్రశంసలు కురిపిస్తున్నారు.