Keerthy Suresh: ఎమోషనల్ వీడియో షేర్ చేసిన కీర్తి సురేష్.. ఏడేళ్ల సస్పెన్స్కి తెర!
సాధారణంగా స్టార్ హీరోయిన్ల పెళ్లి గురించి ఎన్నో వార్తలు వస్తుంటాయి.. అందులో కొన్ని నిజం కాగా, మరికొన్ని పుకార్లుగా మిగిలిపోతుంటాయి. ‘మహానటి’గా సినీ ప్రేక్షకుల హృదయాలను దోచేసిన హీరోయిన్ కీర్తి సురేష్ విషయంలో కూడా గతంలో ఎన్నో పెళ్లి వార్తలు వచ్చాయి. కానీ, గత ..
సాధారణంగా స్టార్ హీరోయిన్ల పెళ్లి గురించి ఎన్నో వార్తలు వస్తుంటాయి.. అందులో కొన్ని నిజం కాగా, మరికొన్ని పుకార్లుగా మిగిలిపోతుంటాయి. ‘మహానటి’గా సినీ ప్రేక్షకుల హృదయాలను దోచేసిన హీరోయిన్ కీర్తి సురేష్ విషయంలో కూడా గతంలో ఎన్నో పెళ్లి వార్తలు వచ్చాయి. కానీ, గత ఏడాది ఆమె తన చిన్ననాటి స్నేహితుడు ఆంథోనీని ప్రేమించి పెళ్లి చేసుకుంది. చాలా ఏళ్ల పాటు ఈ విషయంపై సస్పెన్స్ మెయింటైన్ చేసిన కీర్తి, చివరికి తన అభిమానులకు ఊహించని శుభవార్త అందించింది.
పెళ్లి జ్ఞాపకాలు, చిలిపి పనుల వీడియో వైరల్!
తాజాగా, ఈ జంట తమ మొదటి వివాహ వార్షికోత్సవాన్ని జరుపుకుంది. ఈ సందర్భంగా కీర్తి సురేష్ తన అభిమానులతో ఒక ప్రత్యేకమైన వీడియోను పంచుకుంది. తొలి వివాహ వార్షికోత్సవం సందర్భంగా కీర్తి సురేష్ విడుదల చేసిన వీడియో ప్రస్తుతం సోషల్ మీడియాలో వైరల్ అవుతోంది. ఈ వీడియోలో కీర్తి సురేష్ తన పెళ్లి నాటి మధుర జ్ఞాపకాలను అభిమానులతో పంచుకుంది.
పెళ్లి వేడుకకు సంబంధించిన అందమైన, అరుదైన ఫొటోలను, వీడియో క్లిప్పింగ్లను ఇందులో పొందుపరిచింది. తన భర్త ఆంథోనీతో గడిపిన కొన్ని చిలిపి పనులను, సరదా క్షణాలను కూడా ఆమె ఈ వీడియో ద్వారా గుర్తు చేసుకుంది. వీరిద్దరి మధ్య ఉన్న బలమైన ప్రేమ బంధాన్ని, చనువును ఈ వీడియో స్పష్టంగా చూపించింది.
ఈ స్పెషల్ వీడియో చూసిన కీర్తి సురేష్ అభిమానులు, నెటిజన్లు సోషల్ మీడియా వేదికగా ఆమెకు, ఆంథోనీకి శుభాకాంక్షలు తెలుపుతున్నారు. వెండితెరపై ఎన్నో వైవిధ్యమైన పాత్రలతో మెప్పించిన కీర్తి సురేష్, నిజ జీవితంలో తన ప్రేమను, అనుబంధాన్ని ఇంత అందంగా పంచుకోవడం అందరినీ ఆకట్టుకుంటోంది. సినీ కెరీర్తో పాటు వ్యక్తిగత జీవితంలోనూ కీర్తి సంతోషంగా ఉండాలని ఆమె ఫ్యాన్స్ మనస్ఫూర్తిగా కోరుకుంటున్నారు. ప్రస్తుతం కీర్తి దక్షిణాదితోపాటు బాలీవుడ్లోనూ రాణిస్తోంది. ఇటీవలే ‘రివాల్వర్ రీటా’ సినిమాతో ప్రేక్షకులను పలకరించింది.