Raghava Lawrence: నయా మూవీ.. ఆ సూపర్ హిట్ సీక్వెల్‌లో రాఘవ లారెన్స్- ఎస్‌.జె.సూర్యలు..
ఈ మూవీ షూటింగ్ త్వ‌ర‌లోనే ప్రారంభం కానుంది. ఈ విష‌యాన్ని ద‌ర్శ‌కుడు కార్తీక్ సుబ్బరాజ్ తెలియ‌జేశారు. 2014లో ఆయ‌న రూపొందించిన..
వెర్సటైల్ డైరెక్టర్ గా పేరు తెచ్చుకున్నారు కార్తీక్ సుబ్బరాజ్ ఇప్పటికే సూపర్ హిట్ సినిమాలతో అలరించిన కార్తీక్.. ఇప్పుడు మరో సినిమాతో ప్రేక్షకుల ముందుకు రాబోతున్నాడు. కార్తీక్ డైరెక్షన్ లో స్టోన్ బెంచ్ ఫిల్మ్స్ బ్యానర్పై కార్తికేయన్ సంతానం నిర్మిస్తున్న చిత్రం ‘జిగర్తండా 2’. ఈ మూవీ షూటింగ్ త్వ‌ర‌లోనే ప్రారంభం కానుంది. ఈ విష‌యాన్ని ద‌ర్శ‌కుడు కార్తీక్ సుబ్బరాజ్ తెలియ‌జేశారు. 2014లో ఆయ‌న రూపొందించిన యాక్షన్ కామెడీ జిగర్ తండా బేస్డ్‌గా ‘జిగర్తండా 2’ రూపొంద‌నుంది. ప్ర‌స్తుతం ప్రీ ప్రొడ‌క్ష‌న్ కార్య‌క్ర‌మాలు జ‌రుగుతున్న‌ట్లు కార్తీక్ సుబ్బరాజ్ పేర్కొన్నారు. ఇక ఇదే సినిమా మనదగ్గర గద్దల కొండ గణేష్ గా రీమేక్ చేశారు.
యాక్షన్ ఎంట‌ర్‌టైన‌ర్‌గా తెర‌కెక్క‌నున్న ‘జిగర్ తండా 2’లో రాఘవ లారెన్స్, ఎస్‌.జె.సూర్య ప్రధాన పాత్రల్లో నటిస్తున్నారు. మిగిలిన న‌టీన‌టులు, సాంకేతిక నిపుణుల వివ‌రాల‌ను త్వ‌ర‌లోనే ప్ర‌క‌టిస్తామ‌ని మేక‌ర్స్ తెలియ‌జేశారు. దీన్ని భారీ బ‌డ్జెట్‌తో స్టోన్ బెంచ్ బ్యానర్పై కార్తికేయన్ సంతానం తెలుగు, త‌మిళ, హిందీ భాష‌ల్లో రూపొందించ‌నున్నారు.
2014లో కార్తీక్ సుబ్బరాజ్ డైరెక్ట్ చేసిన జిగర్తండా పంథాలో జిగర్తండా 2 కూడా యాక్షన్ గ్యాంగ్‌స్టర్ జోనర్‌లోనే తెర‌కెక్క‌నుంది. ఇంత‌కు ముందు కార్తీక్ సుబ్బరాజ్ ద‌ర్శ‌క‌త్వంలో వ‌చ్చిన మెర్క్యురీ, సూపర్ స్టార్ ర‌జినీకాంత్ పేట్ట స‌హా ప‌లు చిత్రాల‌కు అద్బుత‌మైన విజువ‌ల్స్ అందించిన నేష‌న‌ల్ అవార్డ్ విన్నింగ్ సినిమాటోగ్రాఫ‌ర్ తిరు.. జిగర్తండా 2కి సినిమాటోగ్ర‌ఫీ అందిస్తున్నారు. అలాగే జిగర్తండా సినిమాకు అమేజింగ్ మ్యూజిక్ అందించిన సంతోష్ నారాయ‌ణ‌న్ జిగర్ తండా 2కి సంగీత సార‌థ్యం వ‌హిస్తున్నారు.
కార్తీక్ సుబ్బరాజ్ నుంచి ఫ్యాన్స్, సినీ అభిమానులు ఎలాంటి సినిమాను కోరుకుంటారో అలాంటి ట్విస్టులు, ట‌ర్నుల‌తో జిగర్తండా 2 ఆడియెన్స్‌ను అల‌రించ‌బోతుంది. జిగర్తండా సినిమాలాగానే జిగర్తండా 2 ట్రెండ్ సెట్ట‌ర్‌గా నిలుస్తుందని యూనిట్ కాన్ఫిడెంట్‌గా ఉంది. 2023లో తెలుగు, త‌మిళ, హిందీ భాష‌ల్లో జిగర్తండా 2ను ప్రపంచ వ్యాప్తంగా విడుద‌ల చేయ‌టానికి మేక‌ర్స్ ప్లాన్ చేస్తున్నారు.