నా పొట్టకొట్టాడు.. వాడు నాశనమైపోతారు.. నేల నాకిపోతాడు..! చలాకి చంటి ఎమోషనల్ కామెంట్స్
చలాకి చంటి తన ఆరోగ్య సమస్యలు, ముఖ్యంగా గుండెపోటు నుంచి కోలుకోవడం, పరిశ్రమ నుంచి మద్దతు లభించకపోవడంపై ఆవేదన వ్యక్తం చేశారు. డబ్బు లేకపోతే ఈ కలియుగంలో బ్రతకలేమని, తన కెరీర్ను దెబ్బతీసిన వారిపై ఆగ్రహం, శాపాలు కురిపించారు. పరిశ్రమలో తన అనుభవాలు, కోల్పోయిన అవకాశాల గురించి పంచుకున్నారు.
Updated on: Aug 10, 2026 | 3:48 PM
ప్రముఖ హాస్యనటుడు చలాకి చంటి జబర్దస్త్ ద్వారా మంచి గుర్తింపు తెచ్చుకున్నాడు. జబర్దస్త్ లో తన కామెడీతో నవ్వులు పూయించాడు. ప్రస్తుతం తిగిరి టీవీ షోలతో ప్రేక్షకులను అలరిస్తున్నారు చంటి. గతంలో చంటి అనారోగ్యానికి గురయ్యారు. ఇప్పుడు ఆయన కోలుకొని తిరిగి ప్రేక్షకులను అలరిస్తున్నారు. కాగా గతంలో ఓ ఇంటర్వ్యూలో తన ఆరోగ్య సమస్యలు, పరిశ్రమలో ఎదుర్కొన్న చేదు అనుభవాల గురించి సంచలన వ్యాఖ్యలు చేశారు. గుండెపోటుకు గురై కోలుకుంటున్న సమయంలో తాను అనుభవించిన వేదన, పరిశ్రమ నుండి లభించని మద్దతు గురించి ఆయన ఆవేదన వ్యక్తం చేశారు. తనకు గుండెపోటు వచ్చినప్పుడు పరిశ్రమ నుండి పలకరింపులు మాత్రమే లభించాయని, ఆర్థికంగా ఎవరూ సహాయం చేయలేదని చంటి పేర్కొన్నారు. కష్టాల్లో ఉన్నప్పుడు ఎవరూ తోడు నిలబడరని, కేవలం మన దగ్గర డబ్బు ఉన్నంతవరకు, మనం బాగా ఉన్నంతవరకే అందరూ చుట్టూ ఉంటారని ఆయన స్పష్టం చేశారు.
తన కెరీర్ ఆగిపోవడానికి గల కారణాలను వివరిస్తూ, తనపై కొందరు తప్పుడు ప్రచారం చేశారని చలాకి చంటి ఆరోపించారు. “నాకు ఇగో ఉందని, నేను షూటింగ్కు వస్తే కొన్ని అడుగుతానని, నా గురించి బ్యాడ్ ప్రొపగండా చేశారు” అని ఆయన అన్నారు. దీని కారణంగా తాను కొన్ని సినిమా అవకాశాలు, ప్రాజెక్టులు కోల్పోయానని చెప్పారు. తన కెరీర్కు అడ్డుపడిన ప్రతి ఒక్కరూ నాశనం కావాలని, ఆ నాశనాన్ని తాను బ్రతికుండగానే చూడాలని ఆయన తీవ్రంగా శపించారు. ఈ శాపం తన కడుపు మంటతో వచ్చిందని ఆయన అన్నారు. “నేను బాగా లేనప్పుడు నువ్వు ఎందుకు బాగా ఉండాలి” అనేది తన పాలసీ అని చెప్పారు.
సినిమా అవకాశాల కోసం కార్యాలయాలకు వెళ్ళినప్పుడు ఎదురైన చేదు అనుభవాలను కూడా చంటి పంచుకున్నారు. ఒక దర్శకుడితో జరిగిన సంభాషణలో తాను ఆయన పేరుతో పిలవడం వల్ల పక్కన ఉన్న టీమ్ సభ్యులు హర్ట్ అయ్యారని, దాని కారణంగా ఆ పాత్రను తన నుండి తీసేశారని తెలిపారు. అలాగే, ఒక దర్శకుడి తండ్రి తనకు తెలియకుండా పక్కనే కూర్చున్నప్పుడు, ఆయన సిగరెట్ తాగుతుంటే తాను కూడా సిగరెట్ తాగడం వల్ల, “వీడెవడు ఆర్టిస్ట్” అని ఆ పాత్రను తీసేశారని చంటి వెల్లడించారు. తాను అవకాశాల కోసం వంగి వంగి నడవలేనని, తన ఆత్మగౌరవాన్ని వదులుకోనని ఆయన స్పష్టం చేశారు. తనను వెండితెర, బుల్లితెరలకు గ్యాప్ ఇవ్వడానికి కొందరు కారణమయ్యారని, ఇది తన అహం వల్ల జరగలేదని ఆయన అన్నారు.
మరిన్ని సినిమా వార్తల కోసం ఇక్కడ క్లిక్ చేయండి.
