Kiran Abbavaram: యంగ్ హీరో సినిమాపై భారీ ప్లాన్.. ఒక్క పాట కోసం అంత ఖర్చు చేస్తున్నారా ?

యంగ్ హీరో కిరణ్ అబ్బవరం ఫుల్ స్పీద్ మీదున్నాడు. ఇటీవల సెబాస్టియన్ సినిమాతో ప్రేక్షకుల ముందుకు వచ్చినప్పటికీ అంతగా ఆకట్టుకోలేకపోయింది. దీంతో తన తదుపరి ప్రాజెక్ట్స్ విషయంలో అచి తుచి వ్యవహిస్తున్నాడు ఈ యంగ్ హీరో. ప్రస్తుతం కిరణ్ (Kiran Abbavaram) ఆశలన్ని తన తదుపరి చిత్రంపైనే ఉన్నట్లుగా తెలుస్తోంది. ఈ యంగ్ హీరో ఇప్పుడు బడా నిర్మాణ సంస్థ బ్యానర్ పై ఓ సినిమా చేస్తున్న సంగతి తెలిసిందే. వరుసగా పాన్ ఇండియా చిత్రాలను నిర్మిస్తున్న మైత్రీ మూవీ మేకర్స్.. మరోవైపు మీడియం బడ్జెట్ సినిమాలపై కూడా ఆసక్తి చూపిస్తుంది. ఈ క్రమంలోనే యంగ్ హీరో కిరణ్ అబ్బవరం ప్రధాన పాత్రలో ఓ మూవీ నిర్మిస్తోంది.

పక్కా మాస్ అండ్ కమర్షియల్ ఎంటర్టైనర్ గా రూపొందుతున్న ఈ చిత్రానికి నూతన దర్శకుడు రమేష్ కాడూరి తెరకెక్కిస్తున్నారు.. అయితే తాజా సమాచారం ప్రకారం ఈ సినిమాలోని ఓ పాట కోసం ఏకంగా రూ. కోటి ఖర్చు చేస్తున్నారని టాక్ వినిపిస్తోంది. లీడ్ పెయిర్ పై మాస్ డ్యూయెట్ చిత్రీకరించేందుకు భారీ సెట్ కూడా ఏర్పాటు చేస్తున్నారట. ఈ చిత్రానికి సాయి కార్తీక్ సంగీతం అందిస్తుండగా.. కోలీవుడ్ యంగ్ హీరోయిన్ అతుల్య రవి కథానాయికగా నటిస్తోంది. ఇటీవలే డైరెక్టర్ రత్నం కృష్ణ దర్శకత్వంలో చేయబోతున్న రూల్స్ రంజన్ సినిమాను ప్రారంభించిన సంగతి తెలిసిందే. కంటెంట్ ప్రాధాన్యత ఉన్న విభిన్నమైన చిత్రాలను ఎంచుకుంటూ చిత్రపరిశ్రమలో తనకంటూ ప్రత్యేక స్థానాన్ని ఏర్పర్చుకున్నాడు హీరో కిరణ్ అబ్బవరం.