Salaar Movie: ఆ రూమర్స్ పై స్పందించిన సలార్ టీం.. క్రేజీ అప్డేట్ ఇచ్చిన మేకర్స్..

బాహుబలి తర్వాత పాన్ ఇండియా స్టార్ ప్రభాస్ కెరీర్ ఆ స్థాయిలో భారీ విజయాన్ని అందుకున్న సినిమా సలార్. డైరెక్టర్ ప్రశాంత్ నీల్ తెరకెక్కించిన ఈ మూవీకి మంచి రెస్పాన్స్ వచ్చింది. మాస్ యాక్షన్ డ్రామాగా వచ్చిన ఈ మూవీలో శ్రుతి హాసన్ కథానాయికగా నటించగా.. మలయాళీ హీరో పృథ్వీరాజ్ సుకుమారన్, జగపతి బాబు కీలకపాత్రలు పోషించారు. ఎన్నో అంచనాల మధ్య విడుదలైన ఈ సినిమా బాక్సాఫీస్ వద్ద అత్యధికి వసూళ్లు రాబట్టింది. చాలా కాలం తర్వాత ప్రభాస్ మాస్ నట విశ్వరూపం చూసి ఆశ్చర్యపోయారు ఫ్యాన్స్. దీంతో ఇప్పుడు ఈ ప్రాజెక్ట్ సీక్వెల్ కోసం వేయి కళ్లతో ఎదురుచూస్తున్నారు. ఈ సినిమా ఎప్పుడెప్పుడూ స్టార్ట్ అవుతుందా అని ఆత్రుతగా వెయిట్ చేస్తున్న అభిమానులకు ఇటీవల కొన్ని రూమర్స్ టెన్షన్ కలిగించాయి. సలార్ 2 ప్రాజెక్ట్ ఆగిపోయిందని నెట్టింట ప్రచారం నడిచింది.

డైరెక్టర్ ప్రశాంత్ నీల్, ప్రభాస్ మధ్య క్రియేటివ్ డిఫరెన్స్ వచ్చాయని.. దీంతో సలార్ 2 ప్రాజెక్ట్ రద్దు అయ్యిందంటూ సోషల్ మీడియాలో జోరుగా ప్రచారం సాగింది. తాజాగా ఆ రూమర్స్ పై నిర్మాణ సంస్థ హోంబలే ఫిల్మ్స్ స్పందించింది. సలార్ సెట్స్ లో ప్రభాస్, ప్రశాంత్ నీల్ నవ్వుతూ కనిపించిన ఫోటోను షేర్ చేస్తూ.. వీరు నవ్వకుండా ఉండలేరు అంటూ పరోక్షంగా రూమర్స్ పై క్లారిటీ ఇచ్చింది. ప్రస్తుతం ఈ ఫోటో నెట్టింట వైరలవుతుంది.

ప్రశాంత్ నీల్, ప్రభాస్ కాంబోలో రాబోయే సలార్ 2 ప్రాజెక్టుకు శౌర్యాంగ పర్వం టైటిల్ ఫిక్స్ చేసినట్లు ఇదివరకే మేకర్స్ వెల్లడించారు. ఈ సినిమా త్వరలోనే రెగ్యులర్ షూటింగ్ స్టార్ట్ కానున్నట్లు తెలుస్తోంది. ప్రస్తుతం ప్రభాస్ చేతినిండా సినిమాలతో బిజీగా ఉన్న సంగతి తెలిసిందే. వచ్చే నెల 27న డార్లింగ్ నటిస్తున్న కల్కి ప్రాజెక్ట్ రిలీజ్ కానుంది. ప్రస్తుతం ఈ మూవీ ప్రమోషన్లలో పాల్గొంటుంది చిత్రయూనిట్. ఇందులో దిశా పటానీ, దీపికా పదుకొణే, అమితాబ్ బచ్చన్, కమల్ హాసన్ కీలకపాత్రలు పోషిస్తున్న సంగతి తెలిసిందే. అలాగే మారుతి డైరెక్షన్లో రాజా సాబ్ చిత్రంలో నటిస్తున్నారు.

They can’t stop laughing 😁

#Prabhas #PrashanthNeel#Salaar pic.twitter.com/FW6RR2Y6Vx

— Salaar (@SalaarTheSaga) May 26, 2024

మరిన్ని సినిమా వార్తల కోసం ఇక్కడ క్లిక్ చేయండి.