Malvika Nair: అలాంటి సీన్స్ చేయడానికి నాకు ఎలాంటి ఇబ్బంది లేదు.. మాళవిక బోల్డ్ కామెంట్స్

మాళవిక నాయర్.. ఈ చిన్నది టాలీవుడ్ లో మంచి క్రేజ్ సొంతం చేసుకుంది. చూడటానికి క్యూట్ గా ఉండే ఈ భామ.. తన నటనతోనూ ఆకట్టుకుంటుంది. నాని నటించిన ఎవడె సుబ్రహ్మణ్యం సినిమాతో టాలీవుడ్ కు హీరోయిన్ గా పరిచయం అయ్యింది ఈ చిన్నది. తొలి సినిమాతోనే నటనతో ఆకట్టుకుంది. ఆ సినిమాలో మాళవిక నటనకు మంచి మార్కులు పడ్డాయి. ఈ సినిమా తర్వాత వరుస అవకాశాలు అందుకుంది . నాగ శౌర్య తో కలిసి కళ్యాణమే వైభోగం, ఒరేయ్ బుజ్జిగా, నాగ చైతన్య థాంక్యూ సినిమాల్లో నటించి మెప్పించింది మాళవిక. ఇక ఇప్పుడు ఫలానా అబ్బాయి.. ఫలానా అమ్మాయి అనే సినిమాలో చేస్తోంది. ఈ సినిమాలో మరోసారి నాగ శౌర్యతో జత కట్టింది ఈ భామ.

అయితే కెరీర్ స్టార్టింగ్ నుంచి ఈ భామ స్కిన్ షోకు దూరంగా ఉంటూ వచ్చింది. అయితే ఇప్పుడు మాత్రం ఈ అమ్మడు గ్లామర్ షోకు.. ఇంటెన్స్ సీన్స్ కు ఎలాంటి ఇబ్బంది లేదు అంటుంది. అదే రేంజ్ లో రెచ్చిపోతుంది కూడా.. తాజాగా విడుదలైన ఫలానా అబ్బాయి.. ఫలానా అమ్మాయి సినిమా టీజర్, ట్రైలర్ చూస్తే అర్ధమవుతోంది.

తాజాగా ఓ ఇంటర్వ్యూలో దీనిపై స్పందిస్తూ.. ఆసక్తికర కామెంట్స్ చేసింది మాళవిక. తనకు ఇంటెన్స్ సీన్స్ లో, బోల్డ్ సీన్స్ లో నటించడానికి ఎలాంటి ఇబ్బంది లేదు అని తెలిపింది. అవి కావాలని చేసేవి కాదు.. సినిమా కోసం చేసేవి. సీన్ కు తగ్గట్టుగా చేయాల్సిందే.. కాబట్టి నాకు ఎలాంటి ఇబ్బంది లేదు అని తెలిపింది మాళవిక.