Tollywood: కళ్లు తిప్పుకోనివ్వని అందం.. తెలుగులో ఒకే ఒక్క సినిమా చేసిన ఈ భామను గుర్తుపట్టారా..?

కొంతమంది హీరోయిన్స్‌కు అందం, అభినయం ఉన్నా కూడా ఎక్కువకాలం ఇండస్ట్రీలో నిలదొక్కుకోలేరు. ఇందుకు సరైన కారణం ఫేట్ కలిసిరాకపోకపోవమే. ఇదిగో ఈ హీరోయిన్‌ ఆ కోవకు చెందినదే. ఇంతకీ తనెవరో మీరు గుర్తుపట్టగలరా..? తెలుగులో ఒకే ఒక్క సినిమా చేసింది కాబట్టి మీరు గుర్తుపట్టడం కష్టమే. తన పేరు రేఖిత R. కురుప్. స్క్రీన్ నేమ్ భామ. నైవేధ్యం చిత్రంలో మలయాళ ఇండస్ట్రీలోకి ఎంట్రీ ఇచ్చింది ఈ బ్యూటీ. తన అందంతో అక్కడి కుర్రకారు అభిమానాన్ని చూరగొంది. మలయాళంతో పాటు కన్నడ, తమిళం సినిమాల్లోనూ నటించింది. ఆయా భాషల్లో మంచి పేరు తెచ్చుకున్న హీరోయిన్.. తెలుగులో కేవలం ఒకే ఒక్క మూవీ చేసింది. హీరో తనీశ్ నటించిన మంచివాడు అనే చిత్రం ద్వారా తెలుగులో తన లక్ పరీక్షించుకుంది. ఈ సినిమాను లక్ష్మి నారాయణ డైరెక్ట్ చేశారు. మూవీ ప్లాఫ్ అవ్వడంతో.. తనకు పెద్దగా అవకాశాలు రాలేదు. తెలుగులో పెద్దగా ఛాన్సులు రాకపోయినప్పటికీ తమిళం, కన్నడ, మలయాళంలో.. మంచి మూవీస్ చేసింది.

అయితే పెళ్లయ్యాక కొంతకాలం నటనకు బ్రేక్ ఇచ్చింది. తర్వాతి కాలం ఈ హీరోయిన్ భర్తతో విడిపోయినట్లు వార్తలు వచ్చాయి. కానీ అధికారికంగా క్లారిటీ అయితే ఇవ్వలేదు. 2018లో చివరిసారిగా ఖిలాఫత్ అనే మలయాళ మూవీలో నటించిన భామ.. సోషల్‌ మీడియాలో మస్త్ యాక్టివ్‌గా ఉంటుంది. ఎప్పటికప్పుడు తన ఫోటోలను షేర్ చేస్తూ ఉంటుంది. తాజాగా భామ షేర్ చేసిన ఫోటోలు నెట్టింట తెగ వైరలవుతున్నాయి. ఈ ఫోటోలు చూసిన నెటిజన్స్ ఇంత అందమైన ఈ బ్యూటీకి మంచి అవకాశాలు రాకపోవడం విడ్డూరంగా ఉందని కామెంట్స్ పెడుతున్నారు.

View this post on Instagram

A post shared by Bhamaa (@bhamaa)

మరిన్ని సినిమా వార్తల కోసం ఇక్కడ క్లిక్ చేయండి.