Tollywood: మొదటి సినిమాకే నంది, ఫిల్మ్‌ ఫేర్ అవార్డులు.. ఇప్పుడు పెళ్లి రూమర్లతో వార్తల్లో.. గుర్తు పట్టారా?

Tollywood Actress

ప్రస్తుతం మన సినిమా ఇండస్ట్రీలో స్టార్ నటీనటులుగా కొనసాగుతోన్న చాలా మంది కెరీర్ ఆరంభంలో షార్ట్ ఫిల్మ్స్ చేసిన వారే. సోషల్ మీడియా వీడియోలతో గుర్తింపు తెచ్చుకున్నవారే. పై నున్న హీరోయిన్ కూడా ఈ జాబితాకే చెందుతుంది. కెరీర్ ప్రారంభంలో ఆమె పలు షార్ట్ ఫిల్మ్స్ లో నటించింది. సోషల్ మీడియా వీడియోలతోనూ ఫేమస్ అయ్యింది. అదే సమయంలో సినిమా ఇండస్ట్రీలో అదృష్టం పరీక్షించుకుంది. అయితే ప్రారంభంలో చిన్న, చితకా వేశాలు వచ్చేశాయి. స్టార్ హీరోయిన్లకు ఫ్రెండ్ గా, అక్కగా, చెల్లిగా నటించింది. ఈ క్రమంలోనే హీరోయిన్ గా అవకాశాలు సొంతం చేసుకుంది. మొదటి సినిమాతోనే అందరి దృష్టిని ఆకర్షించింది. ఏకంగా నంది, ఫిల్మ్ ఫేర్ అవార్డులు సొంతం చేసుకుంది. ప్రస్తుతం టాలీవుడ్ లో ఉన్న మోస్ట్ క్రేజీ యెస్ట్ హీరోయిన్లలో ఈ బ్యూటీ కూడా ఒకరు. మరి ఈ క్యూటీ ఎవరో గుర్తు పట్టారా? కష్టంగా ఉందా? అయితే మీకో క్లూ.. ఈ హీరోయిన్ గురించి ఇటీవల ఒక రూమర్ బాగా వైరలవుతోంది. సినిమా ఇండస్ట్రీలో ఉన్న ఒక పెద్ద ఫ్యామిలీకి ఈ హీరోయిన్ కోడలిగా వెళ్లనుందని సామాజిక మాధ్యమాల్లో బాగా ప్రచారం జరుగుతోంది. ఈ పాటికే అర్థమై ఉంటుంది.. మనం ఎవరి గురించి మాట్లాడుకుంటున్నామో? యస్.. ఈ బ్యూటీ మరెవరో కాదు ఇటీవలే స్వాగ్ సినిమాతో మెప్పించిన రీతూ వర్మ. ఇది ఆమె చిన్ననాటి ఫొటో.

ఈ ఏడాది కేవలం ఒక్క సినిమాలోనే కనిపించింది రీతూ వర్మ. శ్రీ విష్ణు నటించిన స్వాగ్ సినిమాలో ఆమె మెయిన్ హీరోయిన్ గా కనిపించింది. అయితే ఇందులో ఆమె రెండు పాత్రల్లో అభిమానులను అలరించింది. ప్రస్తుతం సందీప్ కిషన్ తో కలిసి మజాకా అనే సినిమాలో నటిస్తోందీ అందాల తార. అలాగే తమిళంలోనూ ఒక క్రేజీ ప్రాజెక్టులోనూ యాక్ట్ చేస్తోందీ ముద్దుగుమ్మ.

దీపావళి వేడుకల్లో రీతూ వర్మ..

కాగా సాధారణంగా రీతూ వర్మ వివాదాలు, రూమర్లకు దూరంగా ఉంటుంది. అయితే ఈ ముద్దుగుమ్మ త్వరలోనే పెళ్లి చేసుకోనుందని ప్రచారం జరుగుతోంది. అది కూడా ఒక పెద్దింటి హీరోతోనని రూమర్లు బాగా వినిపిస్తున్నాయి. అయితే ఈ రూమర్లపై ఇప్పటివరకు రీతూ స్పందించలేదు.

రీతూ వర్మ గ్లామరస్ ఫొటోస్..

మరిన్ని సినిమా వార్తల కోసం ఇక్కడ క్లిక్ చేయండి