విక్టరీ వెంకటేశ్‌కు బర్త్‌ డే‌ గిప్ట్ ప్రకటించిన ఎఫ్3 చిత్ర యూనిట్.. సినిమా పోస్టర్ విడుదల చేసి అభినందనలు..

గతేడాది సంక్రాంతికి విడుదలైన ఎఫ్2.. (ఫన్ అండ్ ఫ్రస్టేషన్) సినిమా ఎంత హిట్ అయిందో అందరికి తెలుసు. థియేటర్‌కు వెళ్లిన ప్రేక్షకుడు బయటికి వచ్చేటప్పుడు ఒక నవ్వు మొహంతో వచ్చేలా ఉంటుంది ఈ సినిమా. కామెడీ నేపథ్యంగా తీసుకొని దర్శకుడు అనిల్ రావిపూడి సినిమాను చక్కగా తెరకెక్కించారు. దిల్ రాజు నిర్మాతగా వ్యవహరించాడు. ఈ సినిమా ఇంటర్నేషనల్ ఫిల్మ్ ఫెస్టివల్ ఆఫ్ ఇండియాకు ఎంపికైంది. ఇండియన్ బెస్ట్ ఫీచర్ ఫిలిం కేటగిరీలో టాలీవుడ్ నుంచి ‘F2’కు ఈ అవార్డు దక్కింది.

దీంతో ఈ సినిమాకు సీక్వెల్‌గా ఎఫ్3 నిర్మిస్తున్నారు దిల్ రాజు. వెంక‌టేశ్‌, వ‌రుణ్ తేజ్‌ హీరోలుగా రూపుదిద్దుకుంటోన్న ఈ మల్టీస్టారర్ పై భారీ అంచనాలు ఉన్నాయి. ఈ రోజు వెంకటేశ్ పుట్టినరోజు సందర్భంగా ఈ సినిమా నుంచి పోస్టర్ కూడా విడుదల చేశారు. ఇందులో రెండు ట్రాలీల నిండా వెంకటేశ్, వరుణ్ తేజ్ డబ్బు తీసుకెళ్తున్నారు. పూర్తి స్థాయి కామెడీని పంచుతూ ఎఫ్ 3తో మరోసారి హిట్ కొట్టాలని ఈ హీరోలు భావిస్తున్నారు. కాగా, ఈ సినిమాకి దేవీ శ్రీ ప్రసాద్ సంగీతం అందిస్తున్నాడు. విక్టరీ వెంకటేశ్‌కు అందరు పుట్టినరోజు శుభాకాంక్షలు తెలుపుతూ ఎఫ్3 కూడా భారీ విజయాన్ని సాధించాలని ఆశీర్వదిస్తున్నారు. కరోనాతో విసిగివేజారిని ప్రేక్షకులు కూడా ఈ సినిమా కోసం ఆసక్తిగా ఎదురుచూస్తున్నారు.