Nandamuri Balakrishna: బాలయ్యా మజాకా..! నటసింహం అభిమానులకు డబుల్ గుడ్ న్యూస్.. అదేంటంటే
ప్రాంతం ఏదైనా.. ప్రోగ్రాం ఎక్కడైనా జై బాలయ్య నినాదాలు మారుమ్రోగుతూనే ఉంటాయి. ఒక వైపు హీరోగా రాణిస్తూనే.. మరో వైపు ఓటీటీ స్టార్ టాక్ షో అన్ స్టాపబుల్ షోకు హోస్ట్ గా చేస్తున్నారు నటసింహం.
నటసింహం నందమూరి బాలయ్య సినిమా కోసం ఆయన అభిమానులు ఎంతో ఆసక్తిగా ఎదురుచూస్తూ ఉంటారు. తెలుగురాష్ట్రాల్లో బాలకృష్ణ కు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. ప్రాంతం ఏదైనా.. ప్రోగ్రాం ఎక్కడైనా జై బాలయ్య నినాదాలు మారుమ్రోగుతూనే ఉంటాయి. ఒక వైపు హీరోగా రాణిస్తూనే.. మరో వైపు ఓటీటీ స్టార్ టాక్ షో అన్ స్టాపబుల్ షోకు హోస్ట్ గా చేస్తున్నారు నటసింహం. బాలకృష్ణలో చాలా మందికి తెలియని కొత్తకోణాన్ని చూపింది ఈ టాక్ షో. ఇక అఖండ లాంటి భారీ విజయంతో బాలకృష్ణ 200కోట్ల క్లబ్ లోకి చేరిపోయారు. దాంతో ఆయన నెక్స్ట్ సినిమా పై భారీ అంచనాలు నెలకొన్నాయి. ప్రస్తుతం బాలయ్య వరుస సినిమాలను లైనప్ చేశారు. వాటిలో గోపీచంద్ మలినేని సినిమా ఒకటి.. మరొకటి అనిల్ రావిపూడి మూవీ. తాజాగా ఈ రెండు సినిమాలకు సంబంధించిన అదిరిపోయే రెండు గుడ్ న్యూస్లు వచ్చేశాయి.
బాలయ్యతో సినిమా అంటే ఎలా ఉంటుంది.. మాములుగా ఉండదు. అభిమానులకు పూనకాలు తెప్పించే యాక్షన్ సీన్స్, డైలాగ్స్ ఉండాలి. సరిగ్గా అలాంటి కథతోనే సినిమా చేస్తున్నాడు గోపీచంద్ మలినేని. ఈ సినిమాకు వీరసింహా రెడ్డి అనే టైటిల్ ను కూడా ఫిక్స్ చేశారు. ఇప్పటికే ఈ సినిమానుంచి విడుదలైన పోస్టర్లు, పాటలు, గ్లిమ్ప్స్ సినిమా పై అంచనాలను పెంచేశాయి. ఇక ఈ సినిమా షూటింగ్ పూర్తయ్యిందని తెలుస్తోంది. సంక్రాంతి కానుకగా ఈ సినిమాను బరిలోకి దింపనున్నారు. తాజాగా ఈ సినిమా షూటింగ్ కు గుమ్మడికాయ కొట్టేశారు.
అలాగే సక్సెస్ ఫుల్ దర్శకుడు అనిల్ రావిపూడి తో సినిమా చేస్తున్నారు బాలయ్య. ఇటీవలే ఎఫ్3 సినిమాతో హిట్ అందుకున్న అనిల్. ఇప్పుడు బాలకృష్ణ కోసం ఓ అదిరిపొయ్యే కథను సిద్ధం చేశారని తెలుస్తోంది. బాలయ్య ఫ్యాన్స్ కు కావాల్సిన మాస్ మాసాలతో పాటు తనదైన కామెడీని కూడా యాడ్ చేయనున్నాడట అనిల్. ఇక ఈ సినిమానుంచి కూడా ఓ గుడ్ న్యూస్ వచ్చేసింది. ఈ మూవీ రేపు (డిసెంబర్ 8న )పూజాకార్యక్రమాలు జరుపుకోనుంది. రేపు ఉదయం 9.36నిమిషాలకు ముహూర్తం అంటూ పోస్టర్ ను రిలీజ్ చేశారు మేకర్స్. ఇలా ఒకే సారి రెండు గుడ్ న్యూస్ లు తెలియడంతో నందమూరి అభిమానుల్లో ఉత్సహం రెట్టింపు అయ్యింది.
మరిన్ని ఎంటర్టైన్మెంట్ న్యూస్ కోసం..
