Janhvi Kapoor: తారక్ సినిమా కోసం జాన్వీ ఎంత రెమ్యూనరేషన్ తీసుకుంటుందో తెలుసా ?..
ఇటీవలే ఈ ముద్దుగుమ్మ పుట్టినరోజు సందర్భంగా ఫస్ట్ లుక్ పోస్టర్ రిలీజ్ చేస్తూ కన్ఫార్మ్ చేశారు మేకర్స్. దీంతో అతిలోక సుందరి శ్రీదేవి తనయ తెలుగులోకి అరంగేట్రం చేస్తుండడంతో ఫ్యాన్స్ ఫుల్ ఖుషి అవుతున్నారు..
బాలీవుడ్ ఇండస్ట్రీలో టాప్ హీరోయిన్గా వరుస చిత్రాలతో దూసుకుపోతున్న జాన్వీ కపూర్ ఇప్పుడు తెలుగు తెరపై సందడి చేయబోతుంది. కొద్ది రోజుల క్రితం తనకు సౌత్ సినిమాలు చేయాలని ఉందని .. అవకాశం వస్తే తప్పకుండా చేస్తానని మనసులోని మాటలు బయటపెట్టింది. ఇక తాజాగా నందమూరి హీరో యంగ్ టైగర్ ఎన్టీఆర్ సరసన నటించే ఛాన్స్ కొట్టేసింది జాన్వీ. మాస్ డైరెక్టర్ కొరటాల శివ.. తారక్ కాంబోలో రాబోతున్న NTR 30 సినిమాలో జాన్వీ కథానాయికగా ఎంపికైన సంగతి తెలిసిందే. ఇటీవలే ఈ ముద్దుగుమ్మ పుట్టినరోజు సందర్భంగా ఫస్ట్ లుక్ పోస్టర్ రిలీజ్ చేస్తూ కన్ఫార్మ్ చేశారు మేకర్స్. దీంతో అతిలోక సుందరి శ్రీదేవి తనయ తెలుగులోకి అరంగేట్రం చేస్తుండడంతో ఫ్యాన్స్ ఫుల్ ఖుషి అవుతున్నారు.. ఇందులో జాన్వీ పక్కా పల్లెటూరి అమ్మాయిగా కనిపించనున్నట్లుగా ఇటీవల విడుదలైన ఫస్ట్ లుక్ పోస్టర్ చూస్తే అర్థమవుతుంది.
ఇదిలా ఉంటే.. ఈ సినిమా కోసం జాన్వీ తీసుకుంటున్న రెమ్యూనరేషన్ గురించి ఫిల్మ్ సర్కిల్లో ఓ ఇంట్రెస్టింగ్ న్యూస్ చక్కర్లు కొడుతుంది. ఈ మూవీ కోసం జాన్వీ భారీ మొత్తంలో పారితోషికం అందుకుంటుందని టాక్ నడుస్తోంది. యంగ్ టైగర్ ప్రాజెక్ట్ కోసం జాన్వీ కపూర్ దాదాపు రూ. 5 కోట్లు తీసుకుంటుందని సమాచారం. మరీ ఈ వార్తలలో ఎంత వరకు నిజమనేది తెలియాల్సి ఉంది.
హిందీలో ఒక్క సినిమాకు రూ. 3 కోట్లు వసూలు చేస్తుంది జాన్వీ. కానీ తెలుగులోకి అడుగుపెడుతున్న ఈ ముద్దుగుమ్మ ఏకంగా కోటిన్నర ఎక్కువగా తీసుకుంటుంద. తొలి సినిమాకే భారీగా వసూళు చేస్తుండడంతో ఇప్పుడు జాన్వీ రెమ్యూనరేషన్ టాపిక్ చర్చనీయాంశంగా మారింది. ఈ సినిమా తర్వాత సౌత్ ఇండస్ట్రీలో జాన్వీకి వరుస ప్రాజెక్ట్స్ క్యూ కట్టనున్నట్లు తెలుస్తోంది.
మరిన్ని సినిమా వార్తల కోసం ఇక్కడ క్లిక్ చేయండి.