Tollywood : స్టాలిన్ సినిమాకు పోటీగా నాగార్జున మూవీ రిలీజ్ చేసి చాలా నష్టపోయాం.. డైరెక్టర్ వీఎన్ ఆదిత్య..

Stalin, Nagarjuna

దర్శకుడు VN ఆదిత్య తెలుగులో ఎన్నో సూపర్ హిట్ చిత్రాలను అందించారు. ఆయన సినిమాలకు ప్రత్యేక ఫాలోయింగ్ ఉంటుంది. ఇటీవల ఓ ఇంటర్వ్యూలో ఆయన మాట్లాడుతూ తెలుగు సినీ పరిశ్రమలోని కొన్ని ముఖ్యమైన అంశాలపై మాట్లాడారు. ఆయన చిరంజీవి స్టాలిన్, నాగార్జున బాస్ చిత్రాల మధ్య జరిగిన బాక్సాఫీస్ క్లాష్‌తో పాటు తన సినిమాలలో సంగీతానికి ఇచ్చే ప్రాధాన్యత గురించి వివరించారు. నేనున్నాను చిత్రం చిరంజీవి ఠాగూర్ విడుదల వల్ల ఎలాంటి ప్రభావానికి గురికాలేదని VN ఆదిత్య స్పష్టం చేశారు. నేనున్నాను ఒక మంచి డీసెంట్ లవ్ స్టోరీగా భారీ విజయం సాధించిందని, ఉత్తరాంధ్రలో రికార్డులు బ్రేక్ చేసిందని తెలిపారు. “ఏ శ్వాసలో”, “చీకటితో వెలుగే చెప్పెను” వంటి పాటలు సినిమా విజయంలో కీలక పాత్ర పోషించాయని ఆయన పేర్కొన్నారు. నేనున్నాను సుమారు 10-10.5 కోట్ల వసూళ్లు సాధించిందని అన్నారు.
ఎక్కువ మంది చదివినవి : Folk Singer : ఒక్క పాటతో యూట్యూబ్ సెన్సేషన్.. ఎర్ర ఎర్ర రుమాల్ పాటకు ఎంత రెమ్యునరేషన్ ఇచ్చారంటే..

అయితే, నాగార్జున బాస్ చిత్రంపై చిరంజీవి స్టాలిన్ చిత్రం విడుదల తీవ్ర ప్రభావం చూపించిందని VN ఆదిత్య వెల్లడించారు. బాస్ విడుదల తేదీని మార్చమని నాగార్జున అభిమాన సంఘాలు, అన్నపూర్ణ టీమ్ సభ్యులు రిక్వెస్ట్ చేసినప్పటికీ, అప్పటి పరిస్థితులలో ఎవరూ పట్టించుకోలేదని ఆయన గుర్తు చేసుకున్నారు. ఈ సమస్య కేవలం ఒకరి నిర్ణయం కాదని, నిర్మాతలు, పంపిణీదారులు, థియేటర్ యజమానులు సహా సినీ పరిశ్రమలోని కలెక్టివ్ చైన్ అని ఆయన వివరించారు. కొన్నిసార్లు నిర్మాతలు కూడా సరిగా ఆలోచించుకోలేరని, దానికి బంధీలు కావాల్సి వస్తుందని, మానిటరీ లాస్ను ముందుగానే ఊహించలేరని, తప్పు జరగాలని ఉంటే జరుగుతుందని, అది విధి అని ఆయన అన్నారు.
ఎక్కువ మంది చదివినవి : Jagapathi Babu: ఆ హీరోను ప్రతిరోజూ తలుచుకుంటా.. బతికితే అతడిలా బతకాలి.. జగపతి బాబు..

ఇక తన చిత్రాలలో సంగీత ప్రాధాన్యత గురించి మాట్లాడుతూ, మనసంతా నువ్వే, నేనున్నాను, బాస్ వంటి ప్రతి చిత్రంలోనూ మంచి పాటలు, సంగీతం ఉన్నాయని ప్రస్తావించారు. తాను ప్రత్యేకంగా శ్రద్ధ తీసుకోనని, కథకు ఏది సరిపోతుందో దానికే ప్రాధాన్యత ఇస్తానని తెలిపారు. తాను చిన్నప్పటి నుండి థియేటర్‌లో పాటలు సరిపోనప్పుడు ప్రేక్షకులు లేచి వెళ్ళిపోవడాన్ని గమనించానని, అది తనపై బాగా ప్రభావం చూపిందని చెప్పారు.

ఎక్కువ మంది చదివినవి : Tollywood : సందీప్ రెడ్డి వంగాకు మెసేజ్ చేసి పిచ్చోడిని అయిపోయా.. టాలీవుడ్ హీరో..

ఎక్కువ మంది చదివినవి : Tollywood : రజినీకాంత్ చేసిన ఆ ఒక్క హెల్ప్‏తో చిరంజీవి లైఫ్ మారిపోయింది.. టాలీవుడ్ నటుడు..