Thalapathy Vijay: దళపతి విజయ్‌ను కోలీవుడ్ సరిగ్గా వాడుకోలేదు.. షాకింగ్ కామెంట్స్ చేసిన దర్శకుడు

తమిళ్ ఇండస్ట్రీ దళపతి విజయ్ ను సరిగ్గా ఉపయోగించుకోవడం లేదని దర్శకుడు వెంకట్ ప్రభు ఆరోపించారు. విజయ్ 68వ చిత్రం ‘ది గ్రేటెస్ట్ ఆఫ్ ఆల్ టైమ్’ సెప్టెంబర్ 5న థియేటర్లలో విడుదలై భారీ వసూళ్లను రాబట్టింది. ఈ చిత్రంలో విజయ్ తండ్రీ కొడుకులుగా రెండు పాత్రలు పోషించారు. ప్రసిద్ధ AGS సంస్థ యొక్క 25వ చిత్రం గోట్. చాలా కాలంగా సీరియస్ క్యారెక్టర్స్ చేస్తున్న విజయ్ ఈ సినిమాలో తన పర్ఫామెన్స్ తో ఆకట్టుకున్నాడు. దళపతి విజయ్ డ్యాన్స్, డైలాగ్ డెలివరీలో అదరగొట్టాడు. AGS ఎంటర్‌టైన్‌మెంట్‌ పై అర్చన కల్పాతి ఈ చిత్రాన్ని నిర్మించారు. యువన్ శంకర్ రాజా ఈ చిత్రానికి సంగీతం అందించారు. ముఖ్యంగా విజయ్ స్క్రీన్ ప్రెజెన్స్, విజయ్ అభిమానులకు మంచి కిక్ ఇచ్చింది. ఈ చిత్రంలో విజయ్‌తో పాటు స్నేహ, మీనాక్షి చౌదరి, లైలా, ప్రభుదేవా, ప్రశాంత్, వైభవ్, ప్రేమ్‌జీ అజ్మల్, అమీర్, మోహన్ వంటి పలువురు నటీనటులు నటించారు.

గత సెప్టెంబర్‌లో కెవిఎన్‌ ప్రొడక్షన్‌ కంపెనీ ఓ పోస్టర్‌ను విడుదల చేసింది. ఈ చిత్రానికి హెచ్.వినోద్ దర్శకత్వం వహించబోతున్నారని, అనిరుధ్ సంగీతం అందించబోతున్నారని అధికారికంగా ప్రకటించింది. దళపతి విజయ్ సినిమాలకు గుడ్ బై చెప్పనున్నారని అంటున్నారు. ఇటీవలే విజయ్ రాజకీయాల్లోకి అడుగుపెట్టిన విషయం తెలిసిందే. దీంతో దళపతి 69పై అభిమానుల్లో అంచనాలు పెరిగాయి. ఈ నేప‌థ్యంలో సినిమా గురించిన అప్‌డేట్‌లు కంటిన్యూగా వస్తుండడం అభిమానుల్లో ఉత్కంఠ రేపుతోంది. ఈ దశలో విజయ్ ఆఖరి చిత్రానికి దర్శకుడు హెచ్.వినోద్ దర్శకత్వం వహిస్తున్నారు. విజయ్ 69వ చిత్రంగా రూపొందుతున్న ఈ చిత్రాన్ని కెవిఎన్ నిర్మిస్తున్నారు.

విజయ్‌తో పాటు పూజా హెగ్డే, గౌతమ్ వాసుదేవ్ మీనన్, ప్రియమణి, బాబీ డియోల్, మమితా బైజు, నరేన్ తదితరులు ఈ చిత్రంలో చేరినట్లు ప్రొడక్షన్ హౌస్ అధికారికంగా ప్రకటించింది. ఈ సినిమా షూటింగ్ శరవేగంగా జరుగుతోంది. ఈ నేపథ్యంలో దర్శకుడు వెంకట్ ప్రభు కామెంట్స్ వైరల్ అవుతున్నాయి. విజయ్ గొప్ప నటుడు. కానీ తమిళ సినీ నటుడు విజయ్ ని సరిగ్గా వాడుకోలేదు అని అన్నారు. దర్శకుడు వెంకట్ ప్రభు మాట్లాడుతూ.. కమర్షియల్‌ సర్కిల్‌లో ఉంచి అణచివేసినట్లు భావిస్తున్నాను అని వెంకట్ ప్రభు అన్నారు.

మరిన్ని సినిమా వార్తల కోసం ఇక్కడ క్లిక్ చేయండి