Senior NTR : శివుడి పాత్రలో ఎన్టీఆర్.. నిజమైన నాగుపాము చుట్టుకుందట.. ఈ విషయాలు తెలిస్తే ఆశ్చర్యమే..
దర్శకుడు సింగీతం శ్రీనివాసరావు ఇటీవల ఇచ్చిన ప్రత్యేక ఇంటర్వ్యూలో నందమూరి తారకరామారావు (NTR)తో తన సినీ అనుబంధం గురించి ఆసక్తికర విషయాలను వెల్లడించారు. అందులో ఒకటి ఉమా చండీ గౌరీ శంకరుల కథ చిత్రంలో జరిగింది. సినిమాలో ఒక సన్నివేశానికి నిజమైన పాము అవసరం కాగా, అది నేరుగా ఎన్టీఆర్ కాళ్లపైకి వచ్చి చుట్టుకుంది.
దర్శకుడు సింగీతం శ్రీనివాసరావు ఓ ఇంటర్వ్యూలో తన సినీ ప్రస్థానంలో, ముఖ్యంగా నందమూరి తారకరామారావు (NTR) తో కలిసి పనిచేసిన కాలానికి సంబంధించిన రెండు అద్భుతమైన సంఘటనలను గుర్తు చేసుకున్నారు. ఈ సంఘటనలు NTR వ్యక్తిత్వం, వృత్తి పట్ల ఆయన నిబద్ధతను చాటిచెబుతాయి. మొదటి సంఘటన కృష్ణార్జున యుద్ధం చిత్ర నిర్మాణ సమయంలో జరిగింది. “అలిగితివా సఖి ప్రియా” అనే పాట చిత్రీకరణలో ఉండగా, ప్లేబ్యాక్ మెషిన్ అకస్మాత్తుగా ఆగిపోయింది. సాంకేతికంగా అత్యంత కచ్చితత్వాన్ని కోరుకునే దర్శకుడు కే.వి. రెడ్డి ఈ పరిస్థితి పట్ల ఆందోళన చెందారు. ఆ సమయంలో ఎన్టీఆర్ ఒక వినూత్నమైన ఆలోచనను ముందుకు తెచ్చారు. తాను లిప్ సింక్ ఇస్తానని, సింగీతం శ్రీనివాసరావు గారిని పాట పాడమని ఆయన సూచించారు. కే.వి. రెడ్డి తొలుత సంశయించినా, ఎన్టీఆర్ పట్టుదల మేరకు ఈ ప్రయోగానికి అంగీకరించారు. తాను పాట పాడగా, ఎన్టీఆర్ అద్భుతంగా లిప్ సింక్ చేశారని గుర్తుచేసుకున్నారు. చిత్రీకరణ అనంతరం ఎడిటర్ వాసు ఆ సన్నివేశాన్ని చూసి, అది పర్ఫెక్ట్గా సింక్ అయిందని, కేవలం రెండు టేకుల్లోనే అది పూర్తయ్యిందని తెలిపారు. కే.వి. రెడ్డి కూడా తమ అదృష్టం బాగుందని చెప్పి, ఈ సంఘటనను ఒక ప్రత్యేక అనుభవంగా భావించారు. ఎన్టీఆర్ ముఖ్యమంత్రి అయిన తర్వాత విశ్వామిత్ర చిత్రం షూటింగ్ సందర్భంగా ఇదే తరహాలో ప్లేబ్యాక్ మెషిన్ ఆగిపోయినప్పుడు, ఈ కృష్ణార్జున యుద్ధం సంఘటనను గుర్తు చేసుకున్నారు.
ఎక్కువ మంది చదివినవి : Suddala Ashok Teja : ఫిట్గా ఉన్న శ్రీహరి చిక్కిపోయి చనిపోవడానికి అసలు కారణం అదే.. రచయిత సుద్దాల అశోక్ తేజ..
మరోక అత్యంత అద్భుతమైన సంఘటన ఉమా చండీ గౌరీ శంకరుల కథ సినిమా చిత్రీకరణలో చోటు చేసుకుంది. ఈ చిత్రంలో ఎన్టీఆర్ శంకరుడి పాత్రను పోషిస్తున్నారు. ఒక సన్నివేశంలో నిజమైన పామును ఉపయోగించాల్సి వచ్చింది. సాధారణంగా, సినిమా సెట్స్లో రబ్బరు పాములను ఉపయోగిస్తారు లేదా అసలు పాములు దూరంగా వెళ్లేలా చూస్తారు. అయితే, ఈ సన్నివేశానికి కే.వి. రెడ్డి, ఎన్టీఆర్ నిజమైన పామును ఉపయోగించాలని నిర్ణయించారట. పామును వదిలిపెట్టినప్పుడు, అది ఎక్కడికో వెళ్తుందని అందరూ అనుకున్నారు. కానీ, అందరినీ ఆశ్చర్యపరుస్తూ, ఆ పాము నేరుగా ఎన్టీఆర్ కాళ్లపైకి వచ్చి చుట్టుకుంది.
ఎక్కువ మంది చదివినవి : RP Patnaik: ఆ పాటకు రాత్రంతా డ్యాన్స్ చేస్తూ ఒక అబ్బాయి చనిపోయాడు.. అది ఎప్పటికీ మర్చిపోలేను.. మ్యూజిక్ డైరెక్టర్..
ఈ సంఘటనను చూసి సెట్లో ఉన్న వారందరూ నిజంగా షాక్ అయ్యారు. సామాన్యంగా పాములు మనుషులకు దూరంగా ఉంటాయని, కానీ ఎన్టీఆర్ వద్దకు వచ్చి చుట్టుకోవడం ఒక అద్భుతంగా భావించారని సింగీతం శ్రీనివాసరావు వివరించారు. కే.వి. రెడ్డి కూడా ఈ సంఘటనను చూసి “రామారావు, ఇది నీకు చాలా గొప్ప మిరకిల్” అని చెప్పినట్లు సింగీతం గుర్తు చేసుకున్నారు. పాము కనీసం జలదరింపు లేకుండా, ఎటువంటి హాని చేయకుండా ఎన్టీఆర్ కాళ్లపైకి వచ్చి చుట్టుకోవడం ఒక పెక్యూలియర్ సంఘటన అని, అది ఇప్పటికీ తనకు అద్భుతంగానే అనిపిస్తుందని సింగీతం శ్రీనివాసరావు ఈ ఇంటర్వ్యూలో పేర్కొన్నారు.
ఎక్కువ మంది చదివినవి : హీరోయిన్ ఛాన్స్ వస్తే వద్దని చెప్పింది.. బుల్లితెరపై గ్లామర్ అరాచకం..
ఎక్కువ మంది చదివినవి : Trending Folk Song : ఏం సాంగ్ రా బాబూ.. నెల రోజులుగా యూట్యూబ్లో గత్తరలేపుతుంది.. డీజేలో మోగిపోతున్న పల్లె పాట..