RRR Movie: ఆస్కార్‏కు గుజరాతీ సినిమా ఎంపికపై డైరెక్టర్ షాకింగ్ కామెంట్స్.. ఆర్ఆర్ఆర్ ఎందుకు సెలెక్ట్ చేయలేదంటూ..

ఆస్కార్ 2023 అవార్డులకు ఆర్ఆర్ఆర్ సినిమాను ఎంపిక చేయకపోవడంపై డైరెక్టర్ ఎన్. శంకర్ అసంతృప్తి వ్యక్తం చేశారు. గుజరాతీ సినిమా చలో షోను ఏ కోణంలో నామినేట్ చేశారో అర్థం కావడంలేదన్నారు. ఈ సంద్భరంగా ఆయన మీడియాతో మాట్లాడుతూ.. “ఛల్లో షో లాంటి చిత్రాలు దక్షిణాదిలో చాలా వచ్చాయి. ఈ సినిమాను ఏ కోణంలో నామినేట్ చేశారో తెలియడం లేదు. ఆర్ఆర్ఆర్ చిత్రాన్ని జ్యూరీకి పంపకపోవడం ఆశ్చర్యం కలిగించింది. ట్రిపుల్ ఆర్‏లో దేశభక్తితోపాటు గొప్ప నిర్మాణ విలువలున్నాయి. భారతీయ సినిమా ప్రతిష్టను కాపాడటానికి ఆర్ఆర్ఆర్ చిత్ర బృందం ఎంతో కృషి చేసింది. స్టేట్ అవార్డుకు నేషనల్ అవార్డుకు ఆస్కార్ అవార్డుకు తేడా తెలియని కమిటీల సెలక్షన్ ఇలాగే ఉంటుంది. సెలక్షన్ కమిటీలపై అనేక ఒత్తిళ్లు ఉంటాయి కానీ కమిటీ విచక్షణతో పని చేయాలి ” అని అన్నారు (RRR Movie).

ఇండియన్ ఆస్కార్ నామినేట్ కమిటీకి జ్యూరీ సభ్యునిగా, నేషనల్ ఫిల్మ్ అవార్డ్స్ కమిటీకీ వైస్ చైర్మన్ గా.. గోవా ఇంటర్నేషనల్ ఫిల్మ్ ఫెస్టివల్ అవార్డ్ కమిటీకి జ్యూరీ మెంబర్ గా పనిచేశారు. ఆరుసార్లు ఉమ్మడి రాష్ట్రంలో జ్యూరీ మెంబర్ గా.. ఉమ్మడి రాష్ట్రంలో నంది అవార్డ్స్ కమిటీ చైర్మెన్ గా పనిచేసిన అనుభవంతో ఆర్ఆర్ఆర్ సినిమాను జ్యూరీకి ఎంపిక చేయకపోవడంతో ఆశ్చర్యపోయాను. ఈ సినిమాలో దేశ భక్తితోపాటు.. గొప్ప నిర్మాణ విలువలు ఉన్నాయని అన్నారు. అయితే ఇండియన్ సినీ ప్రియులు ఎంతో ఆసక్తిగా ఎదురుచూసిన ఆర్ఆర్ఆర్ సినిమాకు బదులుగా గుజరాతీ మూవీ చలో షోను ఆస్కార్ 2023 అవార్డులకు నామినేట్ చేసిన సంగతి తెలిసిందే.