Prema Desam Movie: ‘ప్రేమ దేశం’ హీరో వినీత్ గుర్తున్నాడా? అతని అక్క టాలీవుడ్‌ స్టార్ హీరోయిన్ అని తెలుసా?

ప్రేమ దేశం.. 1996లో విడుదలైన ఈ ప్రేమకథా చిత్రం యువతను తెగ ఆకట్టుకుంది. అలాగే ఇందులో నటించిన హీరోలు అబ్బాస్, వినిత్ అయితే యూత్ కు మరీ ముఖ్యంగా అమ్మాయిలకు ఫేవరెట్ హీరోలుగా మారిపోయారు. అలాగే హీరోయిన్ టబు కూడా చాలా మందికి ఫేవరెట్ హీరోయిన్ గా మారిపోయింది.

Prema Desam Vineeth

Basha Shek |
Updated on: Jun 11, 2025 | 7:09 AM

ప్రేమదేశం సినిమాతో టాలీవుడ్ లో మంచి గుర్తింపు సంపాదించుకున్నాడు హీరో వినీత్. ముఖ్యంగా ఈ సినిమాలో అతని హెయిర్ స్టైల్ అయితే యూత్ ను తెగ ఆకట్టుకుంది. ప్రేమదేశం మూవీ తర్వాత కూడా పలు సినిమాల్లో హీరోగా, సహాయ నటుడిగా నటించి మెప్పించాడే వినీత్. జెంటిల్ మెన్, సరిగమలు, W/oవి. వర ప్రసాద్, నీ ప్రేమకై, రుక్మిణి, లాహిరి లాహిరి లాహిరిలో, చంద్రముఖి తదితర చిత్రాలు వినీత్ కు మంచి గుర్తింపు తీసుకొచ్చాయి. అయితే గతంలోలా ఇప్పుడు పెద్దగా సినిమాల్లో కనిపించడం లేదు వినీత్. అప్పుడప్పుడు మాత్రమే సహాయక నటుడి పాత్రల్లో సిల్వర్ స్క్రీన్ పై కనిపిస్తున్నాడు. గతేడాది మనోరతంగల్ అనే మల్టీ స్టారర్ వెబ్ సిరీస్ లో ఓ కీలక పాత్రలో కనిపించాడు వినీత్. సినిమాలతో పాటు అప్పుడప్పుడు డ్యాన్స్ కచేరీల్లో కనిపిస్తుంటాడు వినీత్. ఇతనికి క్లాసికల్ డ్యాన్స్ లో మంచి ప్రావీణ్యముంది. ఇక సినిమాల సంగతి పక్కన పెడితే వినీత్.. 2004 ఆగస్ట్ 28న చెన్నైకు చెందిన ప్రిస్సిల్లా మీనన్‌ను వివాహం చేసుకున్నారు. వీరికి అవంతి వినీత్ అనే పాప ఉంది. వినీత్ ఫ్యామిలీ సాధారణంగా బయట ఎక్కువగా కనిపించదు

ఇదిలా ఉంటే వినీత్ కజిన్ సిస్టర్ కూడా దక్షిణాదిలో ప్రముఖ హీరోయిన్ అని మీకు తెలుసా? ఆమె మరెవరో కాదు శోభన. 90వ దశకంలో ఆమెకు ఉన్న క్రేజ్ గురించి ప్రత్యేకంగా చెప్పక్కర్లేదు. తెలుగు, తమిళ్, కన్నడ, మలయాళ, హిందీ భాషల్లో సుమారు 230 కు పైగా సినిమాల్లో నటించిందీ అందాల తార. కేవలం హీరోయిన్‌గానే కాకుండా క్యారెక్టర్ ఆర్టిస్టుగా, డ్యాన్సర్‌గా, కొరియోగ్రాఫర్‌గా ఇలా చాలా విభాగాల్లో సత్తా చాటి మల్టీ ట్యాలెంటెడ్ వుమన్ అనిపించుకుంది. తన నటనా ప్రతిభకు ప్రతీకగా పలు పురస్కారాలు కూడా అందుకుంది.

ఇవి కూడా చదవండి

పద్మ పురస్కారం అందుకుంటోన్న శోభన..

View this post on Instagram

A post shared by Shobana Chandrakumar (@shobana_danseuse)

దాదాపు 18 ఏళ్లు గ్యాప్ తీసుకున్న శోభన గతేడాది సెకెండ్ ఇన్నింగ్స్ షురూ చేసింది. ప్రభాస్‌తో కలిసి కల్కీ2898AD సినిమాలో నటించింది. ఈ సినిమాలో మరియమ్ అనే పాత్రలో శోభన అద్భుతంగా నటించింది. ఇక ఇటీవలే తుడ్ రుమ్ అనే మరో సినిమాలోనూ కనిపించిందీ ముద్దుగుమ్మ. మోహన్ లాల్ హీరోగా నటించిన ఈ సినిమా కూడా వంద కోట్లకు పైగా కలెక్షన్లు సాధించింది.