తెలుగు తెరపై ఇలాంటి స్టంట్ చేసిన తొలి స్టార్.. అభిమానుల కోసం ఎందాకైనా..

అంజనా ప్రొడక్షన్స్ బ్యానర్ పై మెగా బ్రదర్ నాగబాబు నిర్మించిన నాలుగో చిత్రం బావగారు బాగున్నారా?. మెగాస్టార్ చిరంజీవి నటించిన ఈ సినిమా విజయానికి ప్రధానంగా మూడు అంశాలు దోహదపడ్డాయి. వాటిలో ముఖ్యమైనది చిరంజీవి చేసిన బంగీ జంప్. అప్పటివరకు తెలుగు తెరపై ఎవరూ చేయని సాహసంగా ఈ బంగీ జంప్ నిలిచింది. న్యూజిలాండ్‌లో సాహసికులను స్వాగతించే బంగీ జంప్ ఇది. కాళ్ళకు తాడు కట్టుకొని ఎత్తైన ప్రదేశం నుంచి కింద నీళ్లలోకి తలకిందులుగా దిగడం దీని ప్రత్యేకత. ప్రేక్షకుల హృదయాల్లో ఈ సన్నివేశం బాగా రిజిస్టర్ అవ్వడానికి థియేటర్లలో స్లో మోషన్‌లో చూపించారు. బంగీ జంప్ అనంతరం మళ్ళీ పైకి వచ్చి, కిందకు వెళ్తున్నప్పుడు తలకిందులుగా ఉన్న చిరంజీవి తన షర్ట్‌ను సవరించుకోవడం చూసి ప్రేక్షకులు ఆనందంతో చప్పట్లు కొట్టారు.

మెగాస్టార్ ఈ బంగీ జంప్ చేయడానికి సిద్ధమైనప్పుడు, నిర్మాత నాగబాబు, దర్శకుడు జయంత్ సి పరాన్జీ మొదట వద్దని వారించారు. అయినప్పటికీ, తన అభిమానులకు థ్రిల్‌ను అందించాలనే ఉద్దేశ్యంతో చిరంజీవి ఈ సాహసానికి వెనుకాడలేదు. బ్రహ్మానందం కామెడీ, సినిమాలోని కథా కథనాలు కూడా ఈ చిత్ర విజయానికి ప్రధాన కారణాలుగా నిలిచాయి. ఈ చిత్రానికి ఇప్పటికీ సెపరేట్ ఫ్యాన్ బేస్ ఉంది. ఇప్పటికీ టీవీలో బావగారు బాగున్నారా? వస్తే రేటింగ్ అదిరిపోద్ది అంతే. సినిమాలతో చిరంజీవి గ్రేస్‌కు మాస్ ఆడియెన్స్ మురిసిపోయారు. మొత్తం సినిమా కోసం, తన అభిమానులను రంజిపడం కోసం చిరంజీవి ఎంతటికీ వెనకాడరని ఈ స్టంట్ నిరూపించింది.

ప్రేక్షకులు ఈ దృశ్యాన్ని వీక్షించినప్పుడు విశేషంగా ప్రశంసించారు. తెరపై కనిపించే సాహసం వారిని ఎంతగానో ఆకట్టుకుంటుంది. బంజీ జంప్ వంటి స్టంట్స్ కేవలం వినోదాన్ని మాత్రమే కాకుండా, ప్రేక్షకులలో ఒక రకమైన ఉత్సాహాన్ని, ఎనర్జీని నింపుతాయి. ఈ దృశ్యం మళ్లీ గుర్తుకు వచ్చినప్పుడల్లా ఎనలేని ఎనర్జీ కలుగుతుందని, ఇది సినిమా ప్రభావానికి నిదర్శనమని చెప్పవచ్చు. ఇలాంటి స్టంట్స్ సినిమాకు ప్రత్యేక గుర్తింపును తెచ్చిపెడతాయి. తెర వెనుక ఉన్న శ్రమ, తెరపై కనిపించే ధైర్యం ప్రేక్షకులను ఆలోచింపజేస్తాయి. బావగారు బాగున్నారా చిత్రంలోని ఈ బంజీ జంప్ సన్నివేశం తెలుగు సినిమా చరిత్రలో గుర్తుండిపోయే సాహసాలలో ఒకటిగా నిలిచింది.

మహానటి సావిత్రి నట ప్రయాణంలో ఆమె పాత్ర కీలకం..