Chandramukhi 2: వెనకడుగు వేసిన ‘చంద్రముఖి 2’.. వినాయక చవితికి కాకుండా ఆరోజున రిలీజ్..

గతంలో సూపర్ హిట్ అందుకున్న చంద్రముఖి సినిమాకు సీక్వెల్ రాబోతున్న సంగతి తెలిసిందే. సూపర్ స్టార్ రజినీకాంత్, నయనతార జంటగా నటించిన ఈ సినిమాకు అప్పట్లో మంచి రెస్పాన్స్ వచ్చింది. అన్ని వర్గాల అడియన్స్ నుంచి పాజిటివ్ టాక్ సొంతం చేసుకున్న ఈ మూవీకి సీక్వెల్ తీసుకువస్తున్నారు రాఘవ లారెన్స్. ఈ చిత్రంలో ఆయన ప్రధాన పాత్రలో నటించగా.. బాలీవుడ్ క్వీన్ కంగన రనౌత్ టైటిల్ రోల్ పోషిస్తున్నారు. ఇప్పటికే విడుదలైన ట్రైలర్, సాంగ్స్ మరోసారి సినిమాపై ఆసక్తిని క్రియేట్ చేశాయి. అన్ని కార్యక్రమాలు పూర్తిచేసుకున్న ఈ సినిమా వినాయక చవితి సందర్భంగా రిలీజ్ కానుంది. ఈనెల 19న ఈ సినిమాను విడుదల చేస్తున్నట్లు చిత్రయూనిట్ ప్రకటించింది. దీంతో ఈ సినిమాను చూసేందుకు అడియన్స్ ఎంతో ఆసక్తిగా వెయిట్ చేస్తున్నారు. ఓవైపు ప్రమోషన్స్ జరుగుతుండగా.. ఇప్పుడు ఈ సినిమా రిలీజ్ డేట్ వాయిదా పడిందంటూ ప్రకటించారు మేకర్స్.

ఈనెల 19న విడుదల కావాల్సిన చంద్రముఖి 2 చిత్రాన్ని సెప్టెంబర్ 28న రిలీజ్ చేయనున్నట్లు నిర్మాణ సంస్థ లైకా ప్రొడక్షన్ అధికారికంగా ప్రకటించింది. టెక్నికల్ సమస్యల కారణంగా ఈ మూవీ రిలీజ్ వాయిదా పడిందంటూ క్లారిటీ ఇచ్చారు. అయితే జవాన్ సినిమా కారణంగానే కంగనా రనౌత్ మూవీ వాయిదా పడిందని అనుమానం వ్యక్తం చేస్తున్నారు. ఒకేసారి రెండు భారీ బడ్జెట్ చిత్రాలు విడుదలైతే బాక్సాఫీస్ వద్ద వసూళ్లు నష్టపోయే అవకాశం ఉందని.. అందుకే చంద్రముఖి 2 చిత్రం వెనకడుగు వేసినట్లుగా తెలుస్తోంది.

View this post on Instagram

A post shared by Lyca Productions (@lycaproductions)

చంద్రముఖి 2 చిత్రానికి ఎంఎం కీరవాణి సంగీతం అందించగా.. లైకా ప్రొడక్షన్స్ బ్యానర్ పై సుభాష్ కరణ్ నిర్మించారు. రాఘవ లారెన్స్, కంగనాతోపాటు.. లక్ష్మీ మీనన్, మహిమా నంబియార్, వడివేలు, రాధికా శరత్ కుమార్ కీలకపాత్రలలో నటించారు. మరోవైపు సెప్టెంబర్ 7న విడుదలైన జవాన్ చిత్రం బాక్సాఫీస్ వద్ద సంచలనం సృష్టిస్తోంది. ప్రపంచవ్యాప్తంగా ఈ సినిమాకు భారీగా కలెక్షన్స్ రాబడుతుంది. ఇందులో నయన్, షారుఖ్ జంటగా నటించారు. అటు జవాన్ చిత్రంపై కంగనా ప్రశంసలు కురిపించారు.

View this post on Instagram

A post shared by Lyca Productions (@lycaproductions)

మరిన్ని సినిమా వార్తల కోసం ఇక్కడ క్లిక్ చేయండి.