Anjali: పెళ్లిపీటలెక్కనున్న హీరోయిన్ అంజలి.. అబ్బాయి మరెవరో కాదు..

తెలుగమ్మాయి అంజలి గురించి ప్రత్యేకంగా చెప్పాల్సిన అవసరం లేదు . షాపింగ్ మాల్ సినిమాతో హీరోయిన్ గా పరిచయం అయ్యింది అంజలీ. తెలుగమ్మాయి అయినప్పటికీ తమిళ్ సినిమాలతో మంచి గుర్తింపు తెచ్చుకుంది. తెలుగులో 2006లో వచ్చిన ‘ఫోటో’ చిత్రంతో హీరోయిన్ గా ఎంట్రీ ఇచ్చింది. ఆ తర్వాత వరుస సినిమాలు చేసినప్పటికీ మంచి హిట్ అందుకోలేకపోయింది. ఇక శ్రీకాంత్ అడ్డాలా దర్శకత్వంలో వచ్చిన సీతమ్మ వాకిట్లో సిరిమల్లె చెట్టు సినిమాతో మంచి విజయాన్ని అందుకుంది. మహేష్ , వెంకటేష్ నటించిన ఈ సినిమాలో వెంకీకి జోడీగా సీత పాత్రలో అద్భుతంగా నటించింది. ఆ తర్వాత స్పెషల్ సాంగ్స్ లోనూ మెరిసింది ఈ భామ.

ఇదిలా ఉంటే అంజలి పెళ్లి గురించి చాలా కాలంగా వార్తలు వినిపిస్తున్నాయి. ఇప్పటికే ఈ అమ్మడి పెళ్ళికి సంబంధించి ఎన్నో వార్తలు పుట్టుకొచ్చాయి. అయితే జర్నీ సినిమా హీరో జై తో అంజలి రిలేషన్ లో ఉందని అప్పట్లో పెద్ద ఎత్తున వార్తలు వచ్చాయి.

కాగా ఇప్పుడు ఈ మ్మాడు పెళ్లి పీటలు ఎక్కనుందని తెలుస్తోంది. కుటుంబసభ్యులు చూసిన అబ్బాయినే అంజలి పెళ్లి చేసుకోబోస్తుందని అంటున్నారు. ప్రస్తుతం అంజలి రామ్ చరణ్ శంకర్ సినిమాలో నటిస్తోంది. ఈ సినిమా షూటింగ్ శరవేగంగా జరుగుతోంది. ఈ సినిమా తర్వాత అంజలి పెళ్లిపీటలెక్కే అవకాశం ఉందని అంటున్నారు. మరి ఈ వార్తల్లో వాస్తవమెంత అన్నది తెలియాల్సి ఉంది.