Pushpa 2: ఆర్‌ఆర్‌ఆర్ రికార్డు బ్రేకయ్యేలా ఉందిగా.. పుష్ప 2 రన్ టైమ్ ఏకంగా అన్ని గంటలా?

Pushpa 2 Movie

అల్లు అర్జున్ నటిస్తోన్ పుష్ప 2 సినిమా రిలీజ్ కోసం టాలీవుడ్ తో పాటు దేశవ్యాప్తంగా ఉన్న సినీ అభిమానులు ఆసక్తిగా ఎదురు చూస్తున్నారు. పుష్ప 1 భారీ విజయం సాధించిన నేపథ్యంలో.. పుష్ప 2 పై అంచనాలు పెరిగిపోయాయి. దీనికి తోడు ఇప్పటికే ఈ మూవీ నుంచి విడుదలైన గ్లింప్స్, పోస్టర్, టీజర్లకు ఊహించని రెస్పాన్స్ రావడంతో అంచనాలు తారాస్థాయికి చేరుకున్నాయి. ఇక రిలీజ్ కు ముందే పుష్ప 2 సినిమా ఎన్నో రికార్డులను బ్రేక్ చేసింది. ప్రి రీలీజ బిజినెస్ పరంగానూ నయా రికార్డులు నమోదు చేసింది. ఈ క్రమంలోనే రన్ టైం విషయంలోనూ పుష్ప 2 మూవీ ఒక కొత్త రికార్డును సృష్టించే అవకాశముందని తెలుస్తోంది. ఇప్పటివరకు ఎడిటింగ్ పూర్తి చేసిన కాపీ నిడివి ప్రకారం పుష్ఫ 2 మూవీ రన్ టైం దాదాపు 3 గంటల 15 నిమిషాల వరకు వచ్చిందట. ఇందులోకి ఇంకా రెండు పాటలతో పాటు , కొంత ప్యాచ్ వర్క్ కూడా జోడించాల్సి ఉందట. ఇలా అన్నీ కలిపితే పుష్ఫ 2 రన్ టైమ్ సుమారు 3 గంటల 40 నిమిషాల వరకు ఉండవచ్చని తెలుస్తోంది. ఒక వేళ ఎడిటింగ్ లో ఎంత కట్ చేసినా.. కనీసం 3 గంటలు లేదా మూడు గంట‌ల ప‌ది నిమిషాలపైనే నిడివి ఉండే అవకాశముందట. ఈ లెక్కన చూసుకుంటే రాజమౌళి తెరకెక్కించిన ఆర్‌ఆర్ఆర్‌ మూవీ రన్ టైం ను పుష్ఫ 2 సినిమా అధిగమించనున్నట్లు తెలుస్తోంది.

కాగా గతంలో పుష్ప1 కూడా దాదాపు మూడు గంటల రన్ టైమ్ తో రిలీజై సంచలన విజయం సాధించింది. ఇప్పుడు పుష్ప 2 కూడ దాదాపు 3 గంట‌ల ప‌ది నిమిషాల ర‌న్‌టైమ్‌తో ఆడియెన్స్ ముందుకు రానుందని తెలుస్తోంది. అంటే తెలుగు సినిమా చరిత్రలో హ‌య్యెస్ట్ ర‌న్‌టైమ్ మూవీస్‌లో ఒక‌టిగా పుష్ప 2 ఉండనుందని సమాచారం. కాగా ఇప్పటికే అన్ని హంగులు పూర్తి చేసుకున్న పుష్ఫ 2 సినిమా డిసెంబర్ 05న గ్రాండ్ గా రిలీజ్ కానుంది. డిసెంబర్ 17న ఈ మూవీకి సంబంధించిన ట్రైలర్ ను బిహార్ రాజధాని పాట్నాలో విడుదల చేయడానికి సన్నాహాలు చేస్తున్నారు.

బిహార్ లో పుష్ప 2 ట్రైలర్ లాంఛ్ ఈవెంట్..

డిసెంబర్ 05న గ్రాండ్ రిలీజ్..

.మరిన్ని సినిమా వార్తల కోసం ఇక్కడ క్లిక్ చేయండి.