Filmfare OTT Awards 2023: ఉత్తమ నటిగా అలియా భట్‌.. అవార్డులు గెల్చుకున్న బెస్ట్‌ వెబ్‌ సిరీస్‌లివే

Filmfare OTT Awards 2023

ఈ ఏడాదికి సంబంధించి ఫిల్మ్‌ ఫేర్‌ ఓటీటీ అవార్డుల ప్రదానోత్సవం అట్టహాసంగా జరిగింది. ముంబై వేదికగా ఆదివారం (నవంబర్‌ 28) నాలుగో ఎడిషన్‌ అవార్డుల వేడుకను ఘనంగా నిర్వహించారు. అలియా భట్ నుండి మనోజ్ బాజ్‌పేయి వరకు పలువురు సినీ ప్రముఖులు ఈ అవార్డుల ప్రదానోత్సవంలో సందడి చేశారు. వివిధ విభాగాల్లో అవార్డులు సొంతం చేసుకున్నారు. అవార్డుల్లో భాగంగా  వెబ్‌ ఒరిజినల్‌ విభాగంలో ఉత్తమ నటిగా అలియాభట్‌ నిలిచింది. డార్లింగ్స్‌ మూవీలో నటనకు గానూ అలియాకు ఈ పురస్కారం దక్కింది. ఇక సిర్ఫ్‌ ఏక్‌ బందా కాఫీ హై గానూ ఉత్తమ నటుడిగా మనోజ్‌బాజ్‌ పాయ్‌ అవార్డు అందుకున్నారు. ఇక విక్రమాదిత్య మోత్వాని వెబ్ సిరీస్ జూబ్లీ కూడా ఐదుకు పైగా ఫిల్మ్‌ ఫేర్‌ అవార్డులను గెల్చుకుంది. సినిమాటోగ్రఫీ, సౌండ్ డిజైన్, ఒరిజినల్ సౌండ్‌ట్రాక్, బ్యాక్‌గ్రౌండ్ మ్యూజిక్, బెస్ట్ VFX కేటగిరీ లో ఈ సిరీస్‌ కు అవార్డులు దక్కాయి.

ఫిల్మ్‌ఫేర్ ఓటీటీ అవార్డ్స్ 2023 లిస్ట్ ఇదే

• బెస్ట్ వెబ్‌ సిరీస్ – స్కూప్
• బెస్ట్ వెబ్‌ సిరీస్ ( క్రిటిక్స్) – ట్రయల్ బై ఫైర్

వెబ్‌ ఒరిజినల్‌ విభాగంలో

• ఉత్తమ నటి – అలియా భట్ (డార్లింగ్స్)
• ఉత్తమ నటుడు – మనోజ్ బాజ్‌పేయి (సిర్ఫ్‌ ఏక్ బందా కాఫీ హై )
• ఉత్తమ నటుడు (క్రిటిక్స్‌) – రాజ్‌కుమార్ రావు -( మోనికా ఓహ్ మై డార్లింగ్)
• ఉత్తమ నటి(క్రిటిక్స్): షర్మిలా ఠాగూర్ (గుల్మోహర్)
• ఉత్తమ సహాయ నటుడు : సూరజ్‌ శర్మ(గుల్మోహర్)
• ఉత్తమ సహాయ నటి : అమృతా సుభాష్‌ (లస్ట్‌ స్టోరీస్‌ 2), షెఫాలీ షా (డార్లింగ్స్‌)

ఫిల్మ్ ఫేర్ అవార్డుల ప్రదానోత్సవంలో అలియా..

వెబ్‌సిరీస్‌ (డ్రామా), (కామెడీ) విభాగాల్లో ..

• ఉత్తమ నటుడు (క్రిటిక్స్‌): విజయ్‌ వర్మ (దహడ్‌)
• ఉత్తమ నటి – రాజశ్రీ దేశ్‌పాండే -(ట్రయల్ బై ఫైర్)
• ఉత్తమ నటి (క్రిటిక్స్) – (కరిష్మా తన్నా) – (స్కూప్), సోనాక్షి సిన్హా -(దహడ్‌)
• ఉత్తమ సహాయ నటుడు – వరుణ్ సోబ్తి (ఫాగ్)
• ఉత్తమ దర్శకుడు – విక్రమాదిత్య మోత్వానీ (జూబ్లీ)

ఫిల్మ్ ఫేర్ అవార్డుల ప్రదానోత్సవంలో విజయ్, అలియా..

మరిన్ని సినిమా వార్తల కోసం ఇక్కడ క్లిక్ చేయండి.