Sanghavi: కుటుంబంతో కలిసి శ్రీవారి సేవలో హీరోయిన్ సంఘవి.. ఎంతగా మారిపోయిందో చూశారా ?..
దర్శనాంతరం ఆలయ రంగనాయకుల మండపంలో వేద పండితులు సంఘవి కుటుంబానికి వేద ఆశీర్వచనాలు అందించారు. ఆలయ అధికారులు పట్టు వస్త్రంతో వారిని సత్కరించి స్వామివారి తీర్థ ప్రసాదాలను అందించారు. అనంతరం ఆలయం వెలుపల పాపతో కలిసి ఫోటోలు దిగారు సంఘవి. ప్రస్తుతం ఆమె ఫోటోస్ సోషల్ మీడియాలో వైరలవుతున్నాయి.
సీనియర్ హీరోయిన్ సంఘవి తన కుటుంబంతో కలిసి ఈరోజు తిరుమల శ్రీవారిని దర్శించుకున్నారు. శుక్రవారం ఉదయం స్వామివారి నైవేద్య విరామ సమయంలో సంఘవి తన భర్త వెంకటేష్, కూతురుతో కలిసి స్వామివారిని దర్శించుకుని మొక్కులు చెల్లించుకున్నారు. దర్శనాంతరం ఆలయ రంగనాయకుల మండపంలో వేద పండితులు సంఘవి కుటుంబానికి వేద ఆశీర్వచనాలు అందించారు. ఆలయ అధికారులు పట్టు వస్త్రంతో వారిని సత్కరించి స్వామివారి తీర్థ ప్రసాదాలను అందించారు. అనంతరం ఆలయం వెలుపల పాపతో కలిసి ఫోటోలు దిగారు సంఘవి. ప్రస్తుతం ఆమె ఫోటోస్ సోషల్ మీడియాలో వైరలవుతున్నాయి.
ఇదిలా ఉంటే.. తెలుగు చిత్రపరిశ్రమలో ఒకప్పుడు టాప్ హీరోయిన్గా ఓ వెలుగు వెలిగిన సంఘవి.. వెండితెరపై కనిపించక దాదాపు 18 సంవత్సరాలు అవుతోంది. అలాగే అటు సోషల్ మీడియాలోనూ అంతగా యాక్టివ్ గా కనిపించరు. ఆమె ఫ్యామిలీ ఫోటోస్ మాత్రం ఎప్పుడో ఒకసారి నెట్టింట చక్కర్లు కొడుతున్నాయి. 1993లో అమరావతి సినిమాతో కోలీవుడ్ ఇండస్ట్రీలోకి అడుగుపెట్టారు సంఘవి. ఆ తర్వాత తెలుగుతోపాటు.. కన్నడ, తమిళ చిత్రాల్లో నటించి మెప్పించారు. 1995లో శ్రీకాంత్ నటించిన తాజ్ మహల్ సినిమాతో తెలుగు తెరకు పరిచయమయ్యారు సంఘవి. ఇందులో సెకండ్ హీరోయిన్ గా నటించిన ఆమె ఆ తర్వాత 1997లో డైరెక్టర్ కృష్ణవంశీ తెరకెక్కించిన సింధూరం చిత్రంతో ప్రధాన కథానాయికగా కనిపించింది. ఈ సినిమా సంఘవి మంచి గుర్తింపు తెచ్చిపెట్టింది.
Sanghavi Family
ఆ తర్వాత తెలుగులో ఎన్నో సూపర్ హిట్ చిత్రాల్లో నటించింది సంఘవి. రాజశేఖర్, నాగార్జున, బాలకృష్ణ, మెగాస్టార్ చిరంజీవి, జగపతి బాబు వంటి స్టార్ హీరోలతో జత కట్టింది. ఆమె చివరగా 2005లో ఒక్కడే కానీ ఇద్దరు చిత్రంలో నటించారు. 2016లో ఫిబ్రవరి 3న ఐటీ ప్రొఫెషనల్ ఎన్.వెంకటేష్ను వివాహం చేసుకున్నారు సంఘవి. వీరికి పాప జన్మించింది.
మరిన్ని సినిమా వార్తల కోసం ఇక్కడ క్లిక్ చేయండి.