Actress Namitha: విడాకుల రూమర్స్ పై స్పందించిన నమిత.. ఇంట్రెస్టింగ్ కామెంట్స్ చేసిన హీరోయిన్..

తెలుగు సినీ పరిశ్రమలో ఒకప్పుడు కథానాయికగా మంచి గుర్తింపు తెచ్చుకుంది హీరోయిన్ నమిత. ఆర్యన్ రాజేశ్ నటించిన సొంతం సినిమాతో హీరోయిన్‏గా టాలీవుడ్ ఇండస్ట్రీకి పరిచయమయ్యింది. తొలి సినిమాతోనే నటిగా ప్రశంసలు అందుకున్న నమితకు అప్పట్లో యూత్ ఫాలోయింగ్ ఎక్కువగా ఉండేది. ఆ తర్వాత వెంకటేశ్ నటించినే జెమినీ సినిమాలో కనిపించింది. తెలుగు, తమిళం భాషలలో అనేక చిత్రాల్లో నటించిన నమిత.. ఆ తర్వాత కెరీర్ కాస్త డల్ అయ్యింది. బొద్దుగా మారడంతో ఈ బ్యూటీకి అవకాశాలు కూడా తగ్గిపోయాయి. దీంతో సెకండ్ హీరోయిన్, స్పెషల్ సాంగ్స్ కూడా చేసింది నమిత. యంగ్ రెబల్ స్టార్ ప్రభాస్ నటించిన బిల్లా సినిమాలో సెకండ్ హీరోయిన్ గా కనిపించిన నమితా.. ఆ తర్వాత మరో ప్రాజెక్ట్ చేయలేదు.

కెరీర్ స్లో అయిన టైంలోనే 2017లో వీరేంద్ర చౌదరి అనే వ్యక్తిని ప్రేమించి పెళ్లి చేసుకుంది. ఈ జంటకు 2022లో కవల పిల్లలు జన్మించారు. పెళ్లి తర్వాత సినిమాలకు దూరంగా ఉన్న నమిత.. ఇప్పుడు రాజకీయాల్లోకి అడుగుపెట్టింది. ఇటీవలే కోలీవుడ్ హీరో విజయ్ దళపతి గురించి ఆసక్తికర కామెంట్స్ చేసి వార్తలలో నిలిచింది. ఇక కొన్ని రోజులుగా నమిత వ్యక్తిగత విషయాలు నెట్టింట వైరలవుతున్నాయి. నమిత తన భర్తతో విడిపోతుందని.. త్వరలోనే విడాకులు తీసుకుంటుందని ప్రచారం నడుస్తుంది. ఈ క్రమంలోనే డివోర్స్ రూమర్స్ పై క్లారిటీ ఇచ్చింది.

“నేను, నా భర్త విడిపోతున్నాం.. విడాకులు తీసుకుంటున్నామని వార్తలు వస్తున్నాయి. ఆ రూమర్స్ చూసి నా స్నేహితులు, బంధువులు కాల్ చేసి మమ్మల్ని అడిగారు. కానీ నేను కొద్ది రోజుల క్రితమే నా భర్తతో కలిసి ఉన్న ఫోటోను సోషల్ మీడియాలో షేర్ చేశాను. అయినా ఇలాంటి నిరాధరమైన వార్తలు ఎందుకు వస్తున్నాయనేది తెలియడం లేదు. కొన్నిసార్లు మా డివోర్స్ గురించి వార్తలు రావడం చూసి నేను నా భర్త కూడా నవ్వుకున్నాం. అలాగే అలాంటి రూమర్స్ చూసి మేము బాధపడడం లేదు ” అంటూ చెప్పుకొచ్చింది. ప్రస్తుతం నమిత చేసిన కామెంట్స్ వైరలవుతున్నాయి.

View this post on Instagram

A post shared by Rajalakshmi Anandan (@rajalakshmi_bridalmakeup)

మరిన్ని సినిమా వార్తల కోసం ఇక్కడ క్లిక్ చేయండి.