Actor Prabhas: ముంబైలో సెటిల్ కానున్న ప్రభాస్… ఖరీదైన ఇల్లు కోనుగోలు చేయనున్న రెబల్ స్టార్..

దర్శకధీరుడు తెరకెక్కించిన 'బాహుబలి' సినిమాతో ప్రభాస్ రేంజ్ ఒక్కసారిగా మారిపోయింది. అప్పటివరకు కేవలం తెలుగు ఇండస్ట్రీలోనే

  • Rajitha Chanti
  • Publish Date - 6:42 pm, Wed, 3 March 21
Actor Prabhas: ముంబైలో సెటిల్ కానున్న ప్రభాస్... ఖరీదైన ఇల్లు కోనుగోలు చేయనున్న రెబల్ స్టార్..

దర్శకధీరుడు తెరకెక్కించిన ‘బాహుబలి’ సినిమాతో ప్రభాస్ రేంజ్ ఒక్కసారిగా మారిపోయింది. అప్పటివరకు కేవలం తెలుగు ఇండస్ట్రీలోనే ఫాలోయింగ్ ఉన్న రెబల్ స్టార్ ఆ సినిమాతో పాన్ ఇండియా స్టార్‏గా మారిపోయారు. దీంతో అటు బీటౌన్‏లో కూడా వరుస ఆఫర్లను అందుకుంటున్నాడు ఈ హీరో. ప్రస్తుతం రెబల్ స్టార్ చేతిలో నాలుగు పాన్ ఇండియా సినిమాలున్నాయి. ఇప్పటికే ఈ మూవీ షూటింగ్స్ ప్రారంభంకావడంతో ప్రభాస్ ఫుల్ బీజీగా మారిపోయాడు. ఇక ఇదే క్రమంలో ఆయన ఎక్కువగా ముంబైలోనే గడపాల్సి వస్తుంది. దీంతో ప్రభాస్ ప్రతిసారి హోటళ్ళు, రెంట్ ఫ్లాట్స్‏లలో గడపాల్సి వస్తుంది. తాజాగా ప్రభాస్ ముంబైలో ఓ ఇల్లు కోనాలని భావిస్తున్నాడట. ఇప్పటికే ఇల్లు కోసం వెతుకులాట ప్రారంభించినట్లుగా సమాచారం.

ఇక ప్రభాస్ కెరీర్ గురించి వస్తే.. బాలీవుడ్ డైరెక్టర్ ఓంరౌత్ డైరెక్షన్లో ప్రభాస్ ‘ఆదిపురుష్’ అనే సినిమాలో నటిస్తున్నాడు. రామాయణాన్ని ఆధారంగా చేసుకుని ఈ సినిమాను తెరకెక్కిస్తున్నారు. ఇందులో ప్రభాస్ రాముడి పాత్రలో నటిస్తుండగా.. రావణుడి పాత్రలో బాలీవుడ్ హీరో సైఫ్ అలీఖాన్ నటిస్తున్నారు. ఇక సీతగా కృతిసనన్ కనిపించబోతుంది. వచ్చే ఏడాది ఆగస్టు 11న ఈ సినిమాను విడుదల చేయనున్నారు. ఇదే కాకుండా కేజీఎఫ్ పేం ప్రశాంత్ నీల్ డైరెక్షన్లో ‘సలార్’ సినిమా చేస్తున్నాడు ప్రభాస్. ఇటీవలే ఈ మూవీ మొదటి షెడ్యూల్ షూటింగ్ తెలంగాణలోని పెద్దపల్లి జిల్లా రామగుండంలో జరిగిన సంగతి తెలిసిందే. ఈ రెండు సినిమాల తర్వాత ప్రభాస్.. మహానటి ఫేం నాగ్ అశ్విన్ దర్శకత్వంలో ఓ సినిమా చేయనున్నాడు. ఇందులో బిగ్‌బీ అమితాబ్‌ బచ్చన్‌, బాలీవుడ్‌ హీరోయిన్‌ దీపిక పదుకొణె ముఖ్యపాత్రలు పోషిస్తున్నారు. ఇక టాలీవుడ్ నటీనటులు ఒక్కోక్కరిగా ముంబై బాట పడుతున్నారు. ఇప్పటికే స్టార్ హీరోయిన్ రష్మిక మందన్నా సైతం ముంబైలో ఓ ఖరీదైన ఫ్లాట్ కొనుగోలు చేసిన విషయం తెలిసిందే.

Also Read:

Machu Lakshmi: మరో రికార్డు సృష్టించిన మంచువారమ్మాయి.. దివ్యాంగుల కోసం 100 కిలోమీటర్ల సైక్లింగ్..

దర్శకధీరుడి చేతుల మీదుగా ‘ఆకాశవాణి’ టీజర్ విడుదల… రిలీజ్ డేట్‏ను ఫిక్స్ చేసిన చిత్రయూనిట్.. ఎప్పుడంటే..